ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Дин

Хельсинкида XIII Халыкара мөселманнар форумы үз эшен башлап җибәрде

11 декабрь 2017, 13:34

Хельсинкида XIII Халыкара мөселманнар форумы үз эшен башлап җибәрде Быел форумның темасы - «Коръән гуманизмы һәм бүгенге көндәге глобаль проблемалар: стратегия һәм карарлар»

(Казан, 11 декабрь, «Татар-информ»). 11 декабрьдә Хельсинкида «Коръән гуманизмы һәм бүгенге көндәге глобаль проблемалар: стратегия һәм карарлар» дигән темага XIII Халыкара мөселманнар форумы үз эшен башлады. Форумда Евразиянең 25 иленнән мөселман белем бирү, иҗтимагый, фәнни институтлары җитәкчеләре катнаша, дип хәбәр итә Россия мөселманнары Диния нәзарәтенең рәсми сайты.

XIII Халыкара мөселманнар форумында фикер алышулар «Коръән гуманизмы һәм глобаль проблемалар», «Традицион кыйммәтләр кризисы һәм аны җиңеп чыгу юллары», «Коръән гуманизмы һәм ислам яңарышының интеграль программасы» сессияләре кысаларында узачак.

Чараны Форумның Мәскәүдә урнашкан даими эшләүче секретариаты, Россия Федерациясе мөселманнары Диния нәзарәте, Россия Мөфтиләр шурасы, Бөтендөнья ислам мәзһәбләре якынаю форумы, Финляндия Мөселман оешмалары челтәре һәм Мәскәү ислам институты оештыра.

Финляндия XIII Халыкара мөселманнар форумын үткәрү урыны итеп очраклы рәвештә генә сайланмаган. Финляндия Республикасының 100 еллыгыннан тыш, Финляндия мөселманнар җәмгыятенең 150 еллыгы да истәлекле һәм тантаналы чаралар үткәрү өчен мөһим сәбәп булып тора.

Форум үз эшен резолюция кабул итү һәм тантаналы кичке аш белән төгәлләячәк.

 

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр