ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
“Зәкят” хәйрия фонды 3000 кешегә ифтар үткәрә
Чаллыда балалар һәм яшьләр оешмалары 72 тонна макулатура җыйган
Р.Миңнеханов Париж делегациясенә: Республикага килүегез - хезмәттәшлек өчен яхшы этәргеч
Зөфәр Хәйретдинов: Ротациягә бер генә җырың бирелсә, тутырып акча алам дип уйларга кирәкми
Раил Садриев: Балаларны театрга китереп, милләтне тәрбияләп була

Рәсми Татарстан

Казанда чираттагы күпфункцияле бизнес үзәге ачыла

11 декабрь 2017, 08:00 , Фото: яндекс

Казанда чираттагы күпфункцияле бизнес үзәге ачыла Үзәктә бизнес өлкәсендә 190 юнәлештә хезмәт күрсәтеләчәк.

(Казан, 11 декабрь, «Татар-информ»). Бүген көннең беренче яртысында Казанда чираттагы күпфункцияле бизнес үзәге ачылачак. Үзәкне ачу тантанасында Татарстан Президенты Рөстәм Миңнеханов катнашыр, дип көтелә. Бу хакта Татарстан Икътисад министрлыгы матбугат хезмәте хәбәр итә.

Эшмәкәрлек буенча яңа үзәк Татарстан башкаласы үзәгендә – Петербург урамындагы Сбербанк бинасында урнашкан.

Үзәктә бизнес өлкәсендә 190 юнәлештә хезмәт күрсәтеләчәк. Бу – эшмәкәрлек эшчәнлеген тиешле таләпләр буенча алып бару буенча консультацияләр, бизнес эшчәнлеген теркәү, документлар тутыру һ.б мәсьәләләрдә хезмәт күрсәтү булачак.

Беренче күпфункцияле мондый үзәк Татарстанда 2016 елда ачылган иде. Хәзер республиканың һәр районында эшмәкәрлек алып бару юнәлешендә хезмәт күрсәтелә.

Рөстәм Миңнеханов шулай ук ТР Төбәк лизинг компаниясе офисын ачуда катнашачак. Әлеге офисны ачу – “Эшмәкәр йорты” проектының икенче этабын гамәлгә кую булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10