ҺАВА ТОРЫШЫ -17 oC

Яңалыклар

барлык хәбәрләр Татарстан Россия
МӨҺим
Уфада башкорт теле курслары эшли башлады
Бүген республикада -17 градуска кадәр салкын булачак
БДИ бирергә теләүчеләргә 1 февральгә кадәр гариза язарга кирәк
Япония һәм Татарстан студентларын алмашачак
iPhone 2017 елда сатылу буенча Казанда лидерлыкка чыккан

Җәмгыять

Россиялеләрнең 40 проценты диярлек Конституцияне беркайчан да укымаган

10 декабрь 2017, 12:07

Россиялеләрнең 40 проценты диярлек Конституцияне беркайчан да укымаган Тагын 27 процент тирәсе укыган, әмма бернәрсә дә хәтерләми.

(Казан, 10 декабрь, "Татар-информ"). Россиялеләрнең 40 проценты диярлек Конституцияне беркайчан да укымаган. Тагын 27 процентлабы укыган, әмма бернәрсә дә хәтерләми, дип җиткерә INTERFAX.RU.

Россиялеләрнең өчтән ике өлеше (66 процент) 12 декабрьдә Россия Конституциясе көне билгеләп үтелүен белә. Әмма соңгы вакытта бу күрсәткеч тә төшә бара (70 процент - 2016 елда, 76 процент - 2015 елда), дип хәбәр итәләр "Интерфакс"ка "Левада-Үзәге"ннән.

Социологлар быел 2010 елдан башлап әлеге бәйрәмне белүчеләр күрсәткече өлеше иң түбән булуын ачыклаган.

Сораштырылучыларның 32 проценты 12 декабрьдә нинди бәйрәм булуын белми.

37 процент респондент Конституцияне беркайчан да укымаган, 27 проценты укыган, әмма бернәрсә дә хәтерләми. 25 проценты анда нәрсә язылганны бик аз хәтерли. Бары һәр унынчы кеше (11 процент ) Төп канунның эчтәлеген яхшы белә.

Искәртеп үтик, Россия Конституциясе 1993 елның 12 декабрендә референдумда кабул ителде. Ул үз көченә 1993 елның 25 декабрендә рәсми төстә басылып чыкканнан соң керде.

Сораштыру 24-28 ноябрь көннәрендә Россиянең 48 төбәгендә 137 торак пунктта 18 яшькә кадәрге 1600 кеше арасында уздырылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр