ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Татар иҗади яшьләре Тукай шигырен шагыйрь язган иске татар әдәби телендә укыды
26 апрельдә Чернобыль фаҗигасе корбаннары искә алынды
Марат Бариевның әнисе, авыру булса да, "Тукайны онытмыйбыз" флешмобына кушылган
26 апрельнең төп вакыйгалары - фото һәм сылтамалар
Кайбыч районында су баскан йорт-җир хуҗаларына 74 мең сум иминият акчасы түләгәннәр

Җәмгыять

Татарстан китап нәшриятлары Кышкы китап фестивалендә катнаша

10 декабрь 2017, 11:04 , Фото: Михаил Захаров

Татарстан китап нәшриятлары Кышкы китап фестивалендә катнаша
Иң популяр павильоннар исемлегендә Татарстан балалар китап нәшрияты да бар.

(Казан, 10 декабрь, "Татар-информ", Лилия Локманова). 9-10 декабрь көннәрендә уза торган Кышкы китап фестивалендә Татарстанның өч китап нәшрияты катнаша. Әлеге исемлектә Татарстан балалар нәшрияты да бар. Фестивальдә иң популяр павильоннарның берсе дә әлеге нәшриятныкы иде.
Биредә сыйфатлы, төсле анимацияле, тышлыкларына танылган геройлар төшерелгән китапларны күрергә мөмкин булды. Алар күп кенә әти-әниләрне һәм балаларны үзләренә җәлеп итте.

 Зимний книжный фестиваль

Билгеле булганча, Татарстан балалар нәшрияте 0 дән алып 14 яшькә кадәр булган укучылар өчен белем бирү буенча, матур әдәбият һәм тарихи китаплар чыгара. Һәр басма татар, рус һәм инглиз телләрендә бастырыла. Аларга мультфильмнар белән диск, интереактив өстәмәләр, видео һәм аудиофайллар кушымта булып бара.

 Зимний книжный фестиваль

Нәшриятнең ассортименты киң түгел, әмма һәр басма - хит, ди оешманың җитәкчесе Елена Ермолаева. Шуларның берсе - "Мирас угы" ("Стрела наследия"). Ул шул ук исемдәге мультфильм белән бергә сатыла.

 Зимний книжный фестиваль

"Без әлеге китапның дәвамын да чыгардык. Ул "Җиде мәрҗән" дип атала. Китапның үзенчәлеге соңгы арада популяр булган виммельбухлар (виммельбухлар - балалар китапларында төрле рәсемнәр, геройлар, төрле предметлар урын алган өстәмәләр). Әсәрнең һәр бүлеге саен укучыларыбыз өчен чынбарлыкны чагылдырган өстәмә битләр урнаштырдык. Аның тиражы 55 мең. Күрүегезчә, басма дөрестән дә бик популяр", - диде Елена Еромолаева.

Татарстан китап нәшрияте тәкъдим итә торган китаплар арасында "Татарлар тарихы-йөзләрдә" ("История татар в лицах") басмасы игътибарны җәлеп итә. Китап фестивалендә язучы һәм тәрҗемәче Рөстәм Кутуй, чыгышы белән кырым татары булган мәгърифәтче Исмәгыйль Гаспринскийга багышланган басмаларны күрергә мөмкин. Шулай ук Сергей Беловның "Татарские промышленники" китабы да фестивальгә килүчеләргә тәкъдим ителгән. Ул рус телендә һәм XIX гасыр ахыры–XX гасыр башы буржуаз милли сәнәгатенә багышлана.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10