ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
“Зәкят” хәйрия фонды 3000 кешегә ифтар үткәрә
Чаллыда балалар һәм яшьләр оешмалары 72 тонна макулатура җыйган
Р.Миңнеханов Париж делегациясенә: Республикага килүегез - хезмәттәшлек өчен яхшы этәргеч
Зөфәр Хәйретдинов: Ротациягә бер генә җырың бирелсә, тутырып акча алам дип уйларга кирәкми
Раил Садриев: Балаларны театрга китереп, милләтне тәрбияләп була

Фән һәм мәгариф

Казанда юридик диктант яздылар

9 декабрь 2017, 17:33 , Фото: Ильнар Тухбатов

Казанда юридик диктант яздылар Бөтенроссия диктантта 300 дән артык татарстанлы катнашты.

(Казан, 9 декабрь, «Татар-информ», Александр Елисеев). Бүген I Бөтенроссия юридик диктант яздылар. Татарстанда, аерым алганда, Казанда биш уку йорты мәйданчыгында хокук буенча белемнәрне тикшерделәр, бу чарада катнашу өчен 300дән артык кеше теркәлгән.

I Всероссийский юридический диктант

Диктант алдыннан видеокүпер булды, анда Россия Юристлар ассоциациясе вәкилләре төп кагыйдәләр турында сөйләделәр.

Диктант 30 сораудан тора, тест рәвешдә уза, дөрес җавапны сайлап алырга кирәк. Иң зур балл -100.

I Всероссийский юридический диктант

«Диктант гражданнарның хокукый грамоталыгын һәм хокукый аңын күтәрү, хокукый нигилизм сәбәпләрен бетерү, шулай ук аны хәл итү юлларын карау өчен үткәрелә. Диктанттагы сораулар җәмгыяви тормышның барлык өлкәләренә кагыла: конституция хокукы, беренче чиратта, хезмәт хокуклары, гражданлык хокуклары һ.б.”, - дип белдерде ТР юстиция министрының беренче урынбасары Айнур Галимов.

Айнур Галимов сүзләренчә, диктант Россиянең 80 шәһәрендә 500 мәйданчыкта үткәрелә. Бөтен ил буенча 12 меңнән артык кеше катнашкан. Казанда бу чарада юридик факультет студентлары, укытучылар һәм укучылар актив булган.

I Всероссийский юридический диктант

Сорауларга җавап бирү өчен, 60 минут бирелгән. Әмма тәҗрибәле юристлар һәм бу өлкә хезмәткәрләре 30, 15 минутта җавап та бирде.

Диктантны оештыручылар – РФ Юристлар ассоциациясе, РФ Юстиция министрлыгы һәм аларның төбәк бүлекләре.

I Всероссийский юридический диктант


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10