ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Татар теле олимпиадасына Гарәп Әмирлекләреннән килгән Ибраһим А.Гыйләҗевтан өзек сөйләячәк
22 апрельнең төп вакыйгалары - фото һәм сылтамалар
Татар теле олимпиадасында катнашучы төрек кызы телне гаиләдә сакларга кирәк дип саный
Татар теленнән олимпиаданың узган елгы җиңүчесе быел ярышка япон егетен килергә үгетләгән
Татар теленнән халыкара олимпиадада катнашучылар өчен 20 төрле бирем җыелмасы әзерләнгән

Җәмгыять

Фәрит Мөхәммәтшин: Татарстан кеше хокукларын яклау буенча лидерлык позициясен били

9 декабрь 2017, 16:31 , Фото: gossov.tatarstan.ru

Фәрит Мөхәммәтшин: Татарстан кеше хокукларын яклау буенча лидерлык позициясен били Татарстан Дәүләт Советы Рәисе Татарстанда кеше хокуклары буенча вәкаләтле вәкилнең җәмгыяви ярдәмчеләре белән очрашты.

(Казан, 9 декабрь, «Татар-информ»). Татарстан кеше һәм гражданин хокукларын яклау буенча федераль дәрәҗәдә лидерлык позициясен били, дип белдерде бүген Татарстан Дәүләт Советы Рәисе Фәрит Мөхәммәтшин Татарстанда кеше хокуклары буенча вәкаләтле вәкилнең җәмгыяви ярдәмчеләре, хокук саклау оешмалары вәкилләре һәм экспертлары белән очрашуда. Бу хакта Татарстан Дәүләт Советы матбугат хезмәте хәбәр итә.

Чара 10 декабрьдә ел саен билгеләп үтелә торган Халыкара кеше хокуклары көненә багышланган.

“Хокукларны һәм вазифаларны хаталар җибәрмәс өчен белергә кирәк. Бу җәмгыять, хакимият структурасы, министрлыклар һәм ведомстволардан зур хезмәт таләп итә. Законнарны белмәү җәзадан азат итми”, - диде Фәрит Мөхәммәтшин. Шул ук вакытта законнарны катгыйлату һәрвакыт нәтиҗәле тәрбия чарасы була алмавын да әйтте.

Парламент җитәкчесе Дәүләт Советының соңгы утырышларының берсендә  җиңелчә хокук бозган өчен штраф кисәтү белән алмаштырылу турында җирле үзидарә дәрәҗәсендә закон проекты кабул ителүен дә искәртте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10