ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Татар иҗади яшьләре Тукай шигырен шагыйрь язган иске татар әдәби телендә укыды
26 апрельдә Чернобыль фаҗигасе корбаннары искә алынды
Марат Бариевның әнисе, авыру булса да, "Тукайны онытмыйбыз" флешмобына кушылган
26 апрельнең төп вакыйгалары - фото һәм сылтамалар
Кайбыч районында су баскан йорт-җир хуҗаларына 74 мең сум иминият акчасы түләгәннәр

Дин

Яшел Үзән шәһәрендә Җәмигъ мәчете ачылды

9 декабрь 2017, 15:09 , Фото: Салават Камалетдинов

Яшел Үзән шәһәрендә Җәмигъ мәчете ачылды 16 ел төзелгән мәчет ачылышында Татарстан Республикасы мөфтие Камил хәзрәт Сәмигуллин да катнашты.

(Яшел Үзән, 9 декабрь, "Татар-информ", Алмаз Шиһабетдинов). Бүген Яшел Үзән шәһәрендә рәсми рәвештә "Җәмигъ" мәчетен ачу тантанасы узды. Тантанада "Татар-информ" хәбәрчесе дә катнашты.

Зеленодольск. Церемония открытия Соборной мечети «Джамигъ»

Мәчет ачылышында Татарстан Республикасы мөфтие Камил хәзрәт Сәмигуллин да катнашты. Мөфти мәчетнең Пәйгамбәребез туган Мәүлид аенда ачылуын зур әһәмияткә ия булуын билгеләде. Мәчет ачылу хөрмәтенә Камил Сәмигуллин Җәмигъ мәчете имам-хатыйбы Илдар хәзрәт Гатауллинга чапан бүләк итте.

Зеленодольск. Церемония открытия Соборной мечети «Джамигъ»

"Бүген безнең икеләтә бәйрәм - Мәүлид ае һәм яңа мәчет ачу тантанасы. Мәгълүм булганча, Совет чорыннан соң республикада 24 мәчет кала. Бүген 1500 дән артык мәчетебез бар, ике көнгә бер мәчет ачыла. Аларны сакларга кирәк. Ничек без аларны саклый алабыз? Мәчетләребез буш тормасын, намазлар укылсын, Җомга вәгазьләре татар телендә алып барылсын", - диде Камил хәзрәт Сәмигуллин.

Зеленодольск. Церемония открытия Соборной мечети «Джамигъ»

Мөселманнарны котларга Яшел Үзән районы башлыгы Александр Тыгин да килде. Ул Яшел Үзән халкын мәчетне дини тормыш кайный торган урынга әйләндерергә өндәде.

Зеленодольск. Церемония открытия Соборной мечети «Джамигъ»

"Шәһәр халкы өчен бу зур тантана. Мәчетебез һәрвакыт ишекләрен ачык тотсын иде. Монда балалары белән әниләр дә килсеннәр иде. Аларның дине дә мөһим түгел, күңелләре ял итсен. Якын арада монда чәчәкләр утыртылачак. Мәчетебездә һәрвакыт дини тормыш булсын, намазларда мәчет тулсын", - диде Александр Тыгин.

Зеленодольск. Церемония открытия Соборной мечети «Джамигъ»

"Мәчет бинасын буш калдырмыйк. Без Аллаһның җәннәтләренә ирешерлек савапларны бергә табарбыз", - диде район имам-мөхтәсибе Габделхәмид хәзрәт Зиннәтуллин.

Зеленодольск. Церемония открытия Соборной мечети «Джамигъ»

Җәмигъ мәчетенең имамы Илдар хәзрәт Гатауллин мәчет төзелешендә булышкан кешеләрне бүләкләп китте.

Зеленодольск. Церемония открытия Соборной мечети «Джамигъ»

Тантанадан соң мөселманнар мәчет эчендә өйлә намазын укыды.

Зеленодольск. Церемония открытия Соборной мечети «Джамигъ»

Яшел Үзән Җәмигъ мәчете ачылышы район мөселманнары өчен соңгы елларда иң мөһим вакыйгаларның берсе була. Мәчеткә беренче таш салу тантанасы 2001 елда узган иде. Төзелеш халык көче белән, район предприятиеләре һәм оешмаларының финанславы ярдәмендә барган. Мәчеттә намазлар инде берничә ел элек укыла башланган. Соңгы елларда мәчетнең тирә-юнен төзекләндерү эшләре барган. Мәчеткә йөрүчеләр сүзләренчә, өйләгә 35, ә җомга намазларына 350 ләп кеше килә. Бүгенге көндә шәһәрдә - өч мәчет, ә районда кырыктан артык мәчет эшли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10