ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Татарстанга җил-давыл якынлашу сәбәпле, коткаручылар тулы әзерлектә тора
Казанда “Татар кызы-2018” халыкара бәйгесендә Башкортстаннан Чулпан Кашанова катнашачак
Бөекбритания королевасы Елизавета II 92 яшьлеген билгеләп үтте
Алабугада янгында зыян күргән 14 яшьлек үсмер хастаханәгә озатылган
Казан ветераннарына Дуслык йортында түләүсез юридик ярдәм күрсәтәчәкләр

Җәмгыять

Кайбычта Ватан Геройлары көне уңаеннан төрле чаралар уза

9 декабрь 2017, 02:00

007 елдан Россия Президенты Указы нигезендә, 9 декабрь Ватан Геройлары көне буларак билгеләп үтелә.

(Кайбыч, 9 декабрь, «Татар-информ», «Кайбыч таңнары», Луиза Сөнгатуллина). Кайбыч төбәгендә туып-үсеп, сугыш кырларында зур батырлыклар күрсәткән Советлар Союзы Геройлары – Михаил Кузьмин, Андрей Кошкин, Иван Федоровның исемнәре илебез тарихы битләренә алтын хәрефләр белән язылган. Иван Субботин, Тимерша Нәҗметдинов, Василий Платоновлар- өч дәрәҗәдәге Дан ордены кавалерлары.

Кайбыч үстергән батырлар арасында Социалистик Хезмәт Геройлары Барый Гарифуллин, Рифкать Кәлимуллин, Антонина Евдокимова, Аграфена Сергеева, әле бүгенге көндә дә исән-сау булган Мария Турунтаева да бар. Безнең районны сигез Хезмәт Герое данлый. Илебез өчен зур эшләр башкарган якташларыбызның берсен дә онытырга хакыбыз юк. Бу хакта район газетасы сайты хәбәр итә. Кайбычта Ватан Геройлары көне вакыйгаларга бай булачак.Бу көнне сугыш каһарманнарының якты истәлегенә куелган һәйкәлләргә, район үзәгендә әле быел гына барлыкка килгән Социалистик Хезмәт Геройлары аллеясындагы Геройлар бюст ларына, «Казан каймасы» һәйкәленә, Бөек Җиңүнең 70 еллыгы хөрмәтенә ачылган «Кайбыч бомбардировщигы»на һәм әфганчылар һәйкәленә веноклар куелачак.

Оешмалар җитәкчеләре катнашында узачак планеркада яшь армиячеләрнең чыгыш ясавы көтелә. Әлеге хәрәкәт узган елның 9 декабрендә – Ватан Геройларын искә алу көнендә барлыкка килгән иде. Бу көнне мәктәп укучыларын яшь армия челәр сафларына кабул иттеләр. Россия Президентының 2015 елның октябрендә кабул ителгән Указы нигезендә “Россия укучылары хәрәкәте” Бөтенроссия җәмәгатьчелек–дәүләти балалар, яшүсмерләр берләшмәсе бөтен ил күләмендә оешты. Аның эшчәнлеге дүрт юнәлешне үз эченә ала һәм шуның берсе – хәрби-патриотик юнәлеш. Бу хәрәкәт белән Илһам Хөснетдинов җитәкчелек итә. Районыбыз мәктәпләрендә, мәдәният йортларында, китапханәләрдә, мәктәп музейларында да патриотик рухтагы чаралар уза.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10