ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Транспорт министрлыгы ел ахырына кадәр Мисырга очышлар турында указ проекты әзерли
Фәрит Мөхәммәтшин пенсионерларга: Үземне сезнең оешмада дип саный башлыйм
Роберт Миңнуллин: Татар балалар әдәбиятында торгынлык чоры. Яңача язасы килә
“Әкият” курчак театры 82 яңа ел тамашасы күрсәтәчәк
WorldSkills флагы космоска китә

Мәдәният

Русча иҗат иткән татар каләм әһеле үз милләте язучысы булудан туктамый - Илдар Әбүзаров

7 декабрь 2017, 18:39 , Фото: Алмаз Шиһабетдинов

Русча иҗат иткән татар каләм әһеле үз милләте язучысы булудан туктамый - Илдар Әбүзаров Илдар Әбүзаров әсәрләрен татар телендә язмавын рус мәктәбендә белем алуы белән аңлата.

(Казан, 7 декабрь, “Татар-информ”, Алмаз Шиһабетдинов). Язучы Илдар Әбүзаров “Татар-информ” хәбәрчесенә - татар милләтеннән булып та, рус телендә иҗат иткән язучылар - татар һәм татар язучысы булуыннан туктамаганлыгын әйтте.

“Мин - татар теленең патриоты, әмма рус телендә белем алдым. Түбән Новгородта туганга, татар мәктәбендә белем алу мөмкинлеге булмады. Мине, тел сәясәте аркасында, үземнең телне өйрәнү мөмкинлегеннән мәхрүм иттеләр. Мин моның өчен бик борчылам, әмма шулай язган икән инде, мин татар халкының милли үзенчәлекләрен, байлыкларын рус теле аша халыкка җиткерергә тиеш. Мин рус телендәге татар әдәбияты бар дип саныйм һәм бу бик мөһим”, - диде язучы.

“Күп кешеләр,телләрен югалтсалар да, милләтен югалтмый. Әлбәттә, барлык кеше татарча гына язса, әйбәт булыр иде, әмма аны булдыра алмаучылар да бар. Алар моның белән татар кешесе һәм татар язучысы булуыннан туктамый. Бу - минем шәхси карашым. Танылган Бернард Шоу, Оскар Уайльд кебек язучылар инглиз телендә иҗат иткән, әмма ул бөек Ирланд әдәбияты булып санала, чөнки алар үзләрен Ирланд язучылары дип исәпләгәннәр. Башка телдә булган милли әдәбият барлыгын аңларга кирәк. Тарихта андый мисаллар шактый күп. Милләт тел белән генә чикләнми. Мин - татар теле патриоты, һәм аны мәктәпләрдә укытырга тиешләр дип саныйм”, - диде Илдар Әбүзаров.

Илдар Әбүзаров – рус телендә иҗат итүче татар язучысы. Нижгар татары, тумышы белән Түбән Новгородтан. "Яңа Пушкин" премиясе лауреаты. «Осень джиннов», «Корбан-роман», «Хуш», «Агробление по-олбански», «Мутабор» һәм башка китаплар авторы. «Хуш» романы «Милли бестселлер» һәм «Большая книга» премияләренең лонг-битенә, «Мутабор» романы «Милли бестселлер» премиясенең шорт-битенә кертелгән. Әсәрләре алман, чех, швед телләренә тәрҗемә ителгән. Авторның «Корбан-роман» повестен файдаланып, режиссёр Салават Юзеев фильм төшерде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр