ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Транспорт министрлыгы ел ахырына кадәр Мисырга очышлар турында указ проекты әзерли
Фәрит Мөхәммәтшин пенсионерларга: Үземне сезнең оешмада дип саный башлыйм
Роберт Миңнуллин: Татар балалар әдәбиятында торгынлык чоры. Яңача язасы килә
“Әкият” курчак театры 82 яңа ел тамашасы күрсәтәчәк
WorldSkills флагы космоска китә

Фән һәм мәгариф

Азнакай укучылары финанс нигезләренә төшенәләр

7 декабрь 2017, 03:00 , Фото: "Маяк"

Азнакай укучылары финанс нигезләренә төшенәләр Татарстан Республикасы буенча Милли банк эксперты Андрей Крючковның 8-10 нчы сыйныф укучылары белән очрашуы чираттагы шундый чараларның берсе булды.

(Азнакай, 7 декабрь, “Татар-информ”, “Маяк”, Резеда Шәрипова). Азнакай 1 нче урта мәктәбе “Финанс белеме нигезләре” программасын тормышка ашыру буенча терәк мәктәпләре исемлегенә кертелгән. Биредә Россия Федерациясе Үзәк Банкы тарафыннан оештырыла торган электив курслар, он-лайн дәресләр, вебинарлар, финанс оешмалары вәкилләре белән очрашулар уза, диелә район газетасында.

Татарстан Республикасы буенча Милли банк эксперты Андрей Крючковның 8-10 нчы сыйныф укучылары белән очрашуы чираттагы шундый чараларның берсе булды. Ул гражданнардан керә торган мөрәҗәгатьләр, акчаның кыйммәте, үз бюджетыңны формалаштыру һәм контрольдә тоту мөһимлеге турында сөйләде, “финанс гигиенасы” кагыйдәләре белән таныштырды.

– Балалар – безнең булачак клиентлар һәм хезмәткәрләр. Киләчәктә клиентларыбыз белән үзара мөнәсәбәтләр бүген укучылар белән ничек эшләвебезгә бәйле, – диде Андрей Крючков.

“Укытучы-эксперт” Татарстан Республикасы Мәгариф һәм фән министрлыгы грантын тормышка ашыру кысаларында мәктәптә электив курс алып баручы, тарих һәм җәмгыять белеме укытучысы Гүзәл Якупова белдерүенчә, укучылар дәресләргә теләп йөриләр, яңа финанс терминнарын, бизнеста уңышка ирешкән кешеләр тормышын өйрәнәләр, гаилә бюджетын анализлыйлар, үзләренең шәхси финанс планын төзеп карыйлар, вкладлар, кредитлар буенча процент ставкаларын анализлыйлар.

– Димәк безнең укучылар зур тормышка финанс яктан белемле булып аяк басачаклар. Бүгенге көндә бу бик мөһим, – ди мәктәп директоры Гүзәл Муллагалиева.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр