ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә
Галимә мәгариф системасының башында торды - Флера Сафиуллинаның дәвамчылары
24 майның төп вакыйгалары - фото һәм сылтамалар

Мәдәният

Зәйнең “Мирас” ансамбле “ARTIS-2017” халыкара премиясе иясе булды

7 декабрь 2017, 07:00 , Фото: "Зәй офыклары"

Зәйнең “Мирас” ансамбле “ARTIS-2017” халыкара премиясе иясе булды Анда Россия һәм якын чит илләрнең 107 шәһәреннән 1750 бала катнашты.

(Зәй, “Татар-информ”, 7 декабрь, “Зәй офыклары”, Энҗе Әгъләмова). Бу көннәрдә Санкт-Петербург шәһәрендә “ARTIS-2017” халыкара премиясенә дәгъва кылучы яшь талантлар арасында фестиваль-бәйге барды, дип яза бирле басма.

Анда Россия һәм якын чит илләрнең 107 шәһәреннән 1750 бала катнашты. Алар арасында Зәйнең Әлфия Вәлиуллина җитәкчелегендәге “Мирас” вокаль-хореография ансамбле дә булуы безнең өчен аеруча куанычлы. Әлеге ансамбль “ARTIS-2017” халыкара премиясенә үткәрелүче бәйгедә инде икенче ел рәттән катнашып зур мәртәбәгә иреште. Мираслылар вокаль номерлар арасында иң-иң яхшылар булды.

Россиянең билгеле сәнгать әһелләре Татьяна Буланова, Игорь Гребков, Элла Хрусталева һ.б.лардан торган мәртәбәле жюри “Сезонның иң яхшы вокаль ансамбле I дәрәҗә дипломанты” исемен зәйлеләргә бирде. Аларга акчалата премиягә сертификат та тапшырылды. Ансамбльне әле нигездә бакча яшендәге һәм башлангыч сыйныфларда укучы балалар тәшкил итүен исәпкә алсак, нәни талантларыбызның Зәй данын күтәрүе олы шатлык.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10