ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Казанда "Татарстанның спорт өметләре" премиясен тапшыру тантанасы узды
Татарстан табигате энциклопедиясе өчен галимнәр 5 үзенчәлекле карта төзегән
Казан Кыш бабайлары һәм Кар кызлары үз хезмәтләренә бәяне арттырган
Хельсинки Җәмигъ мәчете төзүдән баш тарткан
Татарстан табигате энциклопедиясенә кимендә 5 мең тираж кирәк – галимнәр

Казан хәбәрләре

Халыклар Дуслыгы йортында грек телен үзләштерергә мөмкин

6 декабрь 2017, 08:25 , Фото: addnt.ru

Халыклар Дуслыгы йортында грек телен үзләштерергә мөмкин Курсларны оештыручылар әйтүенчә, дәресләр грек яшьләре өчен генә түгел - монда теләге булган һәркем шөгыльләнә ала.

(Казан, 6 декабрь, "Татар-информ"). Татарстан Республикасының грек милли-мәдәни автономиясе Татарстанның Халыклар Дуслыгы йортында грек телен өйрәнү буенча беренче дәрес оештырды, дип хәбәр итә Халыклар Дуслыгы йортының мәгълүмат үзәге.

 Грек общинасының яшьләр бүлеге җитәкчесе Илья Анастасов әйтүенчә, әлеге идея күптән барлыкка килгән. «Татарстанда туган һәм үскән грек милләтлеләр үз телләрен бөтенләй белми диярлек. Нәкъ менә шуңа күрә без әлеге курсларны оештырдык та инде», — дип сөйләде ул.

Беренче дәрестә 12 кеше - Татарстан һәм Волжск (Марий Эл) грек яшьләре активистлары катнашты.  Аларга грек теле үзенчәлекләрен грецияле Александр Параскевов өйрәтә. Дәресләр Татарстанның Халыклар Дуслыгы йортында һәр атнаның шимбәсендә 17:00 сәгатьтә узачак.

2018 елда Казан шәһәренең Күпмилләтле якшәмбе мәктәбендә грек бүлеген ачу планлаштырыла. Болай эшләү киләчәктә балаларга да грек телен өйрәнү мөмкинлеген булдырачак..

Грек теле курсларын оештыручылар әйтүенчә, дәресләр грек яшьләре өчен генә түгел. Теләге булган һәркем, бирегә килеп, үзе өчен яңа булган тел үзләштерә ала. Курсларга йөрергә теләүчеләр +7937577 7715 номеры аша шылтыратып, Илья Анастасовка мөрәҗәгать итә ала, диелә хәбәрдә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр