ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды
Татарстан чаңгчысы Анна Морковкина Төмәндә узган ярышта икенче булды
Авыл тормышын яктырткан әдәби әсәрләр конкурсына йомгак ясалды - исемлек
Дүрт татар язучысына дүрт әдәби премия тапшырылды - исемлек

Икътисад

10 декабрьдән поездга билетларны 90 тәүлек алдан алып булачак

5 декабрь 2017, 16:43 , Фото: Рамиль Гали

10 декабрьдән поездга билетларны 90 тәүлек алдан алып булачак Әлеге чара пассажирларга хезмәт күрсәтүне яхшыртачак, дип саный Россия тимер юллары компаниясе.

(Казан, 5 декабрь, "Татар-информ"). 10 декабрьдән пассажирлар поездга билетларны 90 тәүлеккә алдан сатып ала алачак. Бу хакта "Россия тимер юллары" җәмгыяте хәбәрендә әйтелгән, дип җиткерә ТАСС агентлыгы.

“Быел 10 декабрьдән билетлар ил эчендә йөрүче еракка баручы поездларга һәм прицеплы вагоннарга 90 тәүлеккә алдан сатыла башлаячак. Мәсәлән, пассажир 2017 елның 11 декабрендә 2018 елның 11 мартында китәчәк поездга билетлы була ала”, – дип билгеләп үтә компания.

Билетларны тимер юлларның билет кассаларында да, Россия тимер юллары рәсми сайтында мөстәкыйль рәвештә дә алырга була. Билетларны резервлау вакытын озайту буенча эш алга таба да дәвам итә. Әлеге чара пассажирларга хезмәт күрсәтүне яхшыртачак, дип саный компания вәкилләре.

Искәртеп үтик, 2016 елда алда әйтелгән поездларга билетлар сату 45 тәүлек алдан башлана иде. Узган елдан башлап, билетларны 60 көн алдан сатып алу мөмкинлеге туган иде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр