ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды
Татарстан чаңгчысы Анна Морковкина Төмәндә узган ярышта икенче булды
Авыл тормышын яктырткан әдәби әсәрләр конкурсына йомгак ясалды - исемлек
Дүрт татар язучысына дүрт әдәби премия тапшырылды - исемлек

Спорт

2018 елгы футбол буенча дөнья чемпионаты матчларына билетлар кабат сатыла башлады

5 декабрь 2017, 14:19 , Фото: Ильнар Тухбатов

2018 елгы футбол буенча дөнья чемпионаты матчларына билетлар кабат сатыла башлады 5 декабрьдән 31 гыйнварга кадәр җанатарларга билетларны очраклы жирәбә ярдәмендә сатып алу мөмкинлеге тудырыла.

(Казан, 5 декабрь, «Татар-информ»). Бүген 2018 елгы футбол буенча дөнья чемпионаты матчларына билетлар сатуның икенче этабы старт алды. Бу хакта чемпионатның туристлык порталында хәбәр ителә.

Икенче этапның беренче периоды (5 декабрьдән 31 гыйнварга кадәр) барышында футбол сөючеләргә билетларны очраклы жирәбә ярдәмендә сатып алу мөмкинлеге тудырыла, шуннан соң билетларны сату чират тәртибендә дәвам итәчәк (13 марттан 3 апрельгә кадәр).

Беренче этап нәтиҗәләре буенча барлыгы 742 760 билет сатылган. Сатылган билетларның саны буенча Россия әйдәп бара. АКШ, Бразилия, Германия, Кытай һәм башка илләрдә дә чемпионатка карата кызыксыну югары.

2018 елгы футбол буенча дөнья чемпионаты Россиядә 14 июньнән 15 июльгә кадәр уза. Матчларны илебезнең 11 шәһәре кабул итәчәк. Казанда төркем этабы матчларында Франция, Австралия, Испания, Иран, Германия, Көньяк Корея, Польша һәм Колумбия җыелма командалары уйный. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр