ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
21 апрельнең төп вакыйгалары - фото һәм сылтамалар
Радик Юльякшинга Татарстан Мәдәният министрлыгының Мактау кәгазе тапшырылды
Быел Казанда “Үлемсез полк” акциясендә 120 мең кеше катнашыр дип көтелә
Сызраньда беренче тапкыр “Татар яшьләре лидеры" мәктәбе булды
Киров өлкәсендә юл һәлакәтендә биш кеше, шул исәптән бала үлгән

Икътисад

Татарстан Президенты «Химград» технополисында яңа производстволар ачуда катнаша

5 декабрь 2017, 09:36

Татарстан Президенты «Химград» технополисында яңа производстволар ачуда катнаша
Яңа проектларга инвестицияләрнең гомуми күләме 1 миллиард сумнан артып китә.

(Казан, 5 декабрь, «Татар-информ», Рөстәм Килсинбаев). Бүген Татарстан Президенты Рөстәм Миңнеханов «Химград» технополисында «Ирвис» фәнни-җитештерү предприятиесе ҖЧҖ һәм «Коттон Вэй» ҖЧҖ компанияләренең яңа производстволарын ачуда катнаша. Бу хакта республика башлыгының матбугат хезмәте хәбәр итә.

Рөстәм Миңнеханов агрессив булмаган ягулык һәм инерт газлар өчен үлчәү приборлары производствосы белән танышачак. Әлеге проектларга инвестицияләрнең гомуми күләме 106 миллион сум тәшкил итә. Елына 205 миллион сум табыш керер дип көтелә.

Республика Президенты шулай ук Cotton Way фабрикасын ачуда да катнаша. Әлеге предприятие тәүлегенә 30 тонна медицина киемнәре эшкәртәчәк. Татарстан һәм якын-тирә төбәкләрдәге медицина учреждениеләре аның төп кулланучылары булачак.

Бу проектка инвестицияләрнең гомуми күләме 900 миллион сумнан артып китә. Фабрикада 175 эш урыны булдырылачак. Елына 325 миллион сум табыш керер дип көтелә.

Cotton Way компаниясе киләчәктә «Химград» технополисында үз производствосын тагын да киңәйтеп, эшкәртү күләмен тәүлегенә 80 тоннага җиткерергә ниятли. Бу очракта инвестицияләрнең гомуми күләме 1,5 миллиард сумнан артып китәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10