ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды
Татарстан чаңгычысы Анна Морковкина Төмәндә узган ярышта икенче булды

Мәдәният

Казанда "Хәлимә" фильмы тәкъдим ителде

4 декабрь 2017, 22:07 , Фото: Салават Камалетдинов

Казанда Татарстанда "Казан халыкара мөселман киносы фестивале кайтавазы" проекты старт алды.

(Казан, 4 декабрь, "Татар-информ", Рузилә Мөхәммәтова). “Казан халыкара мөселман киносы фестивале кайтавазы” проекты яшь режиссерның дебюты булган “Хәлимә” фильмы белән башланып китте.

Юлия Захарованың “Хәлимә” фильмы Казан халыкара мөселман киносы фестиваленең “Милли кино” программасына кертелгән иде. Фильмның премьерасы да кинофестиваль кысаларында үтте. Дебют фильмы Кино тәнкыйтьчеләренең махсус премиясенә лаек булды.

Эхо фестиваля мусульманского кино, фильм "Халима"

Бүген “Мир” кинотеатрында кинокартина беренче тапкыр киң җәмәгатьчелеккә тәкъдим ителде һәм тулы залда күрсәтелде. 54 минутлык фильмнан соң төшерү төркеме белән очрашу оештырылган иде.

“Татаркино” оешмасының матбугат сәркатибе Регина Шиһабетдинова фильмны төшерү төркеме белән очрашуга билетларның сатылып беткән булуын әйтте.

Эхо фестиваля мусульманского кино, фильм "Халима"

“Казан халыкара мөселман киносы фестивале кайтавазы” проектын ачып җибәргәндә “Татаркино” оешмасы директоры Миләүшә Айтуганова проектның бөтен республиканы үз эченә алуын, аның 10 декабрьгә кадәр дәвам итәчәген һәм фестивальнең иң уңышлы эшләре күрсәтеләчәген әйтте. Бүгенге фильмны тәкъдим итеп, аның Татарстан Республикасы Мәдәният министрлыгы үткәргән Сценарийлар бәйгесендә җиңеп чыкканын һәм министрлык ярдәме белән төшерелгәнен ассызыклап үтте.

Фильмның сюжеты буенча, ислам кануннары буенча яшәүче кыз бала элиталы мәктәпкә укырга килә һәм сыйныфташларының аны кире кагулары белән очраша.

Эхо фестиваля мусульманского кино, фильм "Халима"

Фильмда төп рольләрне Хәдичә Юнысова, Камил Юсипов һәм Ренат Тукбаевлар уйный. Фильмның продюсеры – Миләүшә Айтуганова. Ул фильмда эпизодик рольдә уйный.

Оештыручылар иртәгә фильмның Татарстан районнары буйлап чыгып китәчәген әйтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр