ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды
Татарстан чаңгычысы Анна Морковкина Төмәндә узган ярышта икенче булды

Мәдәният

Ксения Коробкова "моң"ны татар халкына гына хас әйбер дип санамый

4 декабрь 2017, 17:06 , Фото: Салават Камалетдинов

Ксения Коробкова 1, 2, 3 декабрь көннәрендә Казанның Муса Җәлил исемендәге Татар дәүләт академия Опера һәм балет театры сәхнәсендә “Үзгәреш җиле” фестивале үтте.

(Казан, 4 декабрь, “Татар-информ”, Рузилә Мөхәммәтова). Маймонид исемендәге Дәүләт классик академиясе укытучысы, “Үзгәреш җиле” фестиваленең педагогы Ксения Коробкова “Су буйлап” татар халык җырын өйрәнеп моңның шактый универсаль булуы турында фикергә килгән.

“Татар халкы моңга бик сак карый. Ул бөтен халыкта да бар. Дух, душа... ул бик универсаль әйбер, - диде Ксения Коробкова “Үзгәреш җиле” фестиваленең өченче концерты вакытында “Татар-информ” хәбәрчесенә. - Музыка – универсаль тел. Мелодиянең матурлыгы да универсаль. Җырлаган җырыңны яратасың икән, белмим, моң барлыкка киләме-юкмы, моңа үзең ышансаң һәм тамашачыны ышандыра алсаң, бу - иң әһәмиятлеседер. Ихлас булсаң – шул моңдыр".

Ксения Коробкова “Су буйлап” җырын үз репертуарына алачак һәм башкарачак.

Шунысы да игътибарга лаек, Ксения Коробкова фестивальдә татар милли киеменнән чыгыш ясаган бердәнбер җырчы булды. “Миңа шаярып кына синнән татар кызы ясыйбыз дигәннәр иде – миңа ошады. Бу тагын да ныграк татар мәдәниятенә үтеп керү дигән сүз, - диде ул.

Концертта чыгыш ясаган милли киемне үзенә калдырсалар, Ксения Коробкова аны алга таба да кияргә вәгъдә бирә.

Искәртеп үтәбез, “Су буйлап” җырын Беренче каналның “Голос. Дети” проектында Сәйдә Мөхәммәтҗанова башкарган иде.

Мәгълүмат өчен: 1, 2, 3 декабрь көннәрендә Казанның Муса Җәлил исемендәге Татар дәүләт академия Опера һәм балет театры сәхнәсендә “Үзгәреш җиле” фестивале үтте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр