ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
21 апрельнең төп вакыйгалары - фото һәм сылтамалар
Радик Юльякшинга Татарстан Мәдәният министрлыгының Мактау кәгазе тапшырылды
Быел Казанда “Үлемсез полк” акциясендә 120 мең кеше катнашыр дип көтелә
Сызраньда беренче тапкыр “Татар яшьләре лидеры" мәктәбе булды
Киров өлкәсендә юл һәлакәтендә биш кеше, шул исәптән бала үлгән

Дин

Балтачка Пәйгамбәрнең чәч бөртеген алып кайтканнар

3 декабрь 2017, 10:27 , Фото: dumrt.ru

Балтачка Пәйгамбәрнең чәч бөртеген алып кайтканнар Районда Мөхәммәд пәйгамбәрнең туган көненә багышланган Мәүлид кичәсен үткәрделәр.

(Казан, 3 декабрь, "Татар-информ"). Балтач мөхтәсибәтендә кичә зурлап Мөхәммәд пәйгамбәрнең туган көненә багышланган Мәүлид кичәсен үткәргәннәр. Чара республиканың Теләче, Азнакай, Саба, Бөгелмә, Ютазы, Баулы, Лениногорск һәм башка районарыннан дин кардәшләрне җыйды, дип хәбәр итә Татарстан мөселманнарының Диния нәзарәте матбугат хезмәте.

Бәйрәмнең иң югары ноктасы һәм көтеп алынган мизгеле булып Мөхәммәд Пәйгамбәрнең чәч бөртеген карау мөмкинлеге иде, диелә хәбәрдә. Кадерле "күчтәнәч" Балтачка бормалы юллар белән кайткан – аны Дагыстан мөфтие Әхмәт хаҗи Абдуллаев Әлбир хәзрәткә бүләк итә, ул үз чиратында ядкарьне Россия башкаласыннан махсус Балтач халкына күргәзмәгә китереп куя.

Бәйрәм кунаклары арасында Татарстан республикасы мөфтие Камил хәзрәт Сәмигуллин, Мәскәү, Россия үзәк төбәге һәм Чувашия Республикасы мөфтие, Россия мөселманнары дини шурасы җитәкчесе Әлбир хәзрәт Крганов, Ханты-Манси автоном округы мөфтие Таһир хәзрәт Саматов, Татарстан республикасы президенты аппараты каршындагы мәдәниятне үстерү фонды җитәкчесе Нүрия Хашимова һәм башкалар катнашкан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10