ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Мөфти Илдар Мөхәммәдшин Эстониядә Беренче мәхәлләне татарлар оештырганын әйтте
Парламентта халыкның Татарстанда сәгать поясын алыштыру турындагы мөрәҗәгатен карадылар
“Мин татарча сөйләшәм!” акциясе быел унөченче тапкыр уздырыла
Татарстан Язучылар берлеге Габдулла Тукай туган көне уңаеннан тантаналы чараларга чакыра
24 апрельнең төп вакыйгалары - фото һәм сылтамалар

Татар дөньясы

Татар һәм мордваның уртак сүзләреннән торган китап әзерләнә

30 ноябрь 2017, 15:32 , Фото: Александр Эшкинин

Татар һәм мордваның уртак сүзләреннән торган китап әзерләнә Мордва кызы, татар егете әзерли торган китап 2018 елда дөнья күрәчәк.

(Казан, 30 ноябрь, “Татар-информ”, Мөршидә Кыямова). Татар, мордва телләрендәге уртак сүзләр тупланган китап әзерләнә. Бу хакта “Татар-информ” мәгълүмат агентлыгы хәбәрчесенә Татарстан республикасы мордва мили-мәдәни автономиясе җитәкчесе Наталья Сабитова җиткерде.

“Мин Чувашстанның мордва авылында тудым. Хәзер Татарстанда татар гаиләсендә яшим, - ди Наталья Сабитова. – Ирем Шамил югары уку йортында студентларга белем бирә. Тел темасы аңа да якын. Ә үзем мәктәптән бирле телләр белән кызыксынам. Шуңа күрә мордва, татар телләренең охшашлыгы турында, телдәге уртак сүзләрне җыеп китап эшли башладык. Шактый материал тупланды. Татар белән мордва телендә охшашлыклар бар. Сүз уңаеннан шуны да әйтеп узасым килә: Татарстан халыклары дуслыгы йортында мордва балаларының якшәмбе мәктәбен дә ачарга ниятлибез. Республикада мордва мәктәпләре аз, Казанда бөтенләй юк. Телне, мәдәниятне өйрәтә торган бу мәктәп мордваларга зур файда булыр иде”.

Наталья Сабитова белдереп узганча, тел охшашлыкларын бәян иткән китап киләсе елга нәшер ителер, дип көтелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10