ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Мөфти Илдар Мөхәммәдшин Эстониядә Беренче мәхәлләне татарлар оештырганын әйтте
Парламентта халыкның Татарстанда сәгать поясын алыштыру турындагы мөрәҗәгатен карадылар
“Мин татарча сөйләшәм!” акциясе быел унөченче тапкыр уздырыла
Татарстан Язучылар берлеге Габдулла Тукай туган көне уңаеннан тантаналы чараларга чакыра
24 апрельнең төп вакыйгалары - фото һәм сылтамалар

Икътисад, Сәясәт

Рөстәм Миңнеханов Британия бизнесына Татарстанда салым ташламалары тәкъдим итте

29 ноябрь 2017, 16:20 , Фото: president.tatarstan.ru

Рөстәм Миңнеханов Британия бизнесына Татарстанда салым ташламалары тәкъдим итте Татарстан Президенты Лондонда III Россия-Британия бизнес-форумында сәламләү сүзе белән чыгыш ясады.

(Казан, 29 ноябрь, «Татар-информ»). Бөекбритания бизнесменнары Татарстанны сынау мәйданчыгы итеп сайларга мөмкин. Моның өчен республика салым ташламалары тәкъдим итәргә әзер. Бу хакта III Россия-Британия бизнес-форумында Татарстан лидеры Рөстәм Миңнеханов белдерде.

Рабочий визит Президента Республики Татарстан Р.Н. Минниханова в г. Лондон, Великобритания

“Татарстан Британия компаниясенең Россия базарында эш башлау өчен безнең республиканы сайлавы белән кызыксына. Моның өчен әзер инфраструктура мәйданчыклары бар, без барлык шартларны тудырырга һәм салым ташламалары тәкъдим итәргә әзер”, – диде Миңнеханов. Бу хакта Татарстан Президенты матбугат хезмәте җиткерә.

Татарстан Президенты билгеләп үткәнчә, республика Британиядән машиналар һәм җиһазлар кайтарта, ә Англиягә нефть һәм нефть продуктлары, пластмасса һәм аннан, каучуктан, резинадан эшләмәләр җибәрә. Банклар, предприятиеләр белән элемтәләр җайга салынган, гуманитар элемтәләр үсеш ала.

Рабочий визит Президента Республики Татарстан Р.Н. Минниханова в г. Лондон, Великобритания

Хезмәттәшлекне үстерү өчен энергетика, нефть химиясе, автомобиль, машина һәм судно төзелеше, мехнизмнар өчен компонентлар һәм детальләр, IT һәм башка югары технологияләр, авыл хуҗалыгы, ислам банкингы, транспорт, логистика һәм башка перспективалы юнәлешләр булып тора, дип белдерде республика лидеры.

Рабочий визит Президента Республики Татарстан Р.Н. Минниханова в г. Лондон, Великобритания

Татарстан Президенты республиканың махсус икътисади зонасы һәм алда барган социаль-икътисади үсеш территориясе, киңкүләмле проектларны үстерү перспективалары турында сөйләде. Ул Россия Федерациясенең Бөекбританиядәге Гадәттән тыш һәм тулы вәкаләтле вәкиле Александр Яковенконың Британия бизнесы вәкилләренең Татарстанга сәфәрен оештыру тәкъдимен хуплады. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10