ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Мәдәният

Яхин фестивален оештыручылар Яхинны башка халыклар өчен дә ачып бирергә җыена

28 ноябрь 2017, 09:33 , Фото: Рамиль Гали

Яхин фестивален оештыручылар Яхинны башка халыклар өчен дә ачып бирергә җыена Кичә Габдулла Тукай исемендәге Татар дәүләт филармониясе залында Рөстәм Яхин исемендәге классик музыка фестиваленең йомгаклау концерты булды.

(Казан, 28 ноябрь, «Татар-информ», Рузилә Мөхәммәтова). Рөстәм Яхин исемендәге классик музыка фестивале аша оештыручылар Рөстәм Яхинны башка милләт халыкларына да ачып бирергә уйлый. Габдулла Тукай исемендәге Татар дәүләт филармониясе директоры Кадим Нуруллин Яхин фестивален “яшәп киткән фестиваль” дип атады һәм концерт башланыр алдыннан журналистлар белән аралашканда, Яхин иҗатын Россия күләменә күтәрү максатлары белән уртаклашты.

III Международный фестиваль классической музыки имени Рустема Яхина

“Театр дигәндә, “Нәүрүз” фестивален күзаллыйбыз, опера дигәндә – Шаляпин фестивален, классик нәфис сәнгать дигәндә, без Яхин фестивален күздә тотабыз”, – диде Кадим Нуруллин.

Искәртеп үтәбез, кичә Габдулла Тукай исемендәге Татар дәүләт филармониясе залында Рөстәм Яхин исемендәге классик музыка фестиваленең йомгаклау концерты булды.

III Международный фестиваль классической музыки имени Рустема Яхина

Тамашачы алдына Яхин әсәрләре белән Айдар Сөләйманов, Сәйдә Мөхәммәтҗанова, берничә көн элек кенә үз концертын тәкъдим иткән Илһам Вәлиев кебек Татарстан тамашачысына яхшы таныш артистлар белән бергә Санкт-Петербургта иҗат итүче Татьяна һәм Дамир Закировлар, Татарстанда бик сирәк күренүче Тимур Абдикеев һәм башкалар чыгыш ясады.

Ә инде концерт И.В.Әүхәдиев исемендәге Музыка көллиятенең татар хоры чыгышы белән башланып китүе, студентларның Рөстәм Яхинның “Ак җилкән”ен башкарулары татар музыка сәнгатенең киләчәген өметле итә. “Яхин әсәрләре башкару өчен шактый катлаулы. Монда яхшы сулыш һәм аваз пластикасы таләп ителә. Яхшы академик вокал әзерлеге сорала”, – ди хор җитәкчесе Гүзәл Ахунова.

III Международный фестиваль классической музыки имени Рустема Яхина

“Яхин-гала” дип аталган концертны оештыручылар Яхинның яңа әсәрләре яңгыраячак дип вәгъдә итсә дә, гала-концертта башкарылган әсәрләр барысы да әзерлекле тамашачы өчен таныш әсәрләр булып чыкты, бары тик кайберләре соңгы елларда сәхнәләрдә еш яңгырамавы аркасында киң җәмәгатьчелек өчен онытыла гына төшкән иде.

III Международный фестиваль классической музыки имени Рустема Яхина

Концертны "Татар-информ" онлайн күрсәтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр