ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
21 апрельнең төп вакыйгалары - фото һәм сылтамалар
Радик Юльякшинга Татарстан Мәдәният министрлыгының Мактау кәгазе тапшырылды
Быел Казанда “Үлемсез полк” акциясендә 120 мең кеше катнашыр дип көтелә
Сызраньда беренче тапкыр “Татар яшьләре лидеры" мәктәбе булды
Киров өлкәсендә юл һәлакәтендә биш кеше, шул исәптән бала үлгән

Рәсми Татарстан

Рөстәм Миңнеханов «Мәскәү – Татарстан» күпере» III Мәскәү яшьләр форумында катнашты

25 ноябрь 2017, 18:24

Рөстәм Миңнеханов «Мәскәү – Татарстан» күпере» III Мәскәү яшьләр форумында катнашты Актив яшьләр белән тормышның төрле тармакларында уңышлар яулаган күренекле спикерлар аралашты.

(Казан, 25 ноябрь, «Татар-информ»). Бүген Татарстан Республикасы Президенты Рөстәм Миңнеханов «Мәскәү – Татарстан» күпере» III Мәскәү яшьләр форумында катнашты. Бу хакта Татарстан Президенты матбугат хезмәте хәбәр итә.

«Мәскәү – Татарстан» күпере» III Мәскәү яшьләр форумында Мәскәү югары уку йортларында укучы Татарстаннан чыккан студентлар, аспирантлар, яшьләр катнашты.

Форумда катнашучыларга мөрәҗәгать итеп, Рөстәм Миңнеханов ассызыклаганча: «Без бергә булырга тиеш. Без хезмәт сөючәнлегебез һәм тырышлыгыбыз белән көчле. Иң мөһиме, сез туган ягыгыз белән элемтәләрне, багланышларны саклап калгансыз».

Актив яшьләр белән тормышның төрле тармакларында уңышлар яулаган күренекле спикерлар аралашты. 

Яшьләргә сәламләү сүзе белән Россия Федерациясе Элемтә һәм массакүләм коммуникацияләр министры Николай Никифоров мөрәҗәгать итте. Очрашуда катнашучыларга үзенең тормыш тәҗрибәсе турында сөйләп, федераль министр ассызыклаганча, конструктив һәм динамик эшкә, вак нәрсәләргә дә игътибар итәргә, хезмәттәшләренә мөнәсәбәткә һәм башка бик күп мөһим нәрсәләргә аны карьерасы башланган Татарстанда өйрәткәннәр.

Атаклы опера җырчысы, Россия Федерациясенең Атказанган артисткасы Альбина Шаһиморатова, яшьләргә Казанда опера сәнгате мәктәбен булдыру турында сөйләде. Җырчы билгеләп үткәнчә, бу идеяне Татарстан Республикасы Президенты Рөстәм Миңнеханов тулысынча хуплаган.

Россиянең күренекле кардиохирургы, Россия Медицина фәннәре академиясе академигы Ренат Акчурин табиб һөнәрендә уңышка ирешүнең төп тәшкилияте итеп кешеләрне ярата белүне атады.

Форум кысаларында анда катнашучылар һәм кунаклар белән Татарстанның Атказанган җырчысы Алсу Сафина, Россиянең һәм Татарстанның Атказанган артисты һәм продюсер Бари Алибасов, Россия Тышкы эшләр министрлыгы вәкилләре аралашты.

Очрашу Россия Федерациясендә Татарстан Республикасының Тулы вәкаләтле вәкиллеге каршындагы яшьләр әзерләгән яңа проектларны тәкъдим итү белән дәвам итте. Аерым алганда, «Татарлар» яңа мобиль кушымтасы тәкъдим ителде.

«Мәскәү – Татарстан» күпере» III Мәскәү яшьләр форум кысаларында Рөстәм Миңнеханов Мәскәү җәмәгатьчелегенең актив вәкилләренә Татарстан Республикасы дәүләт бүләкләре тапшырды («Татарстан Республикасының Атказанган артисты» исеме, Татарстан Республикасы Президенты Рәхмәте һәм башкалар). «Дуслык» одены белән РСФСР һәм ТАССР халык артисты, Җыр театрының сәнгать җитәкчесе Ренат Ибраһимов бүләкләнде.

Форум сәнгать осталары концерты белән тәмамланды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10