ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Казанда "Татарстанның спорт өметләре" премиясен тапшыру тантанасы узды
Татарстан табигате энциклопедиясе өчен галимнәр 5 үзенчәлекле карта төзегән
Казан Кыш бабайлары һәм Кар кызлары үз хезмәтләренә бәяне арттырган
Хельсинки Җәмигъ мәчете төзүдән баш тарткан
Татарстан табигате энциклопедиясенә кимендә 5 мең тираж кирәк – галимнәр

Авыл

Чирмешән районыннан Кәримовлар гаиләсе – республика бәйгесе җиңүчеләре

25 ноябрь 2017, 04:00

Чирмешән районыннан Кәримовлар гаиләсе – республика бәйгесе җиңүчеләре Алар “Иң яхшы шәхси ярдәмче хуҗалык” номинациясендә җиңү яулаган.

(Чирмешән, 25 ноябрь, “Татар-информ“, “Безнең Чирмешән“, Гөлсирә Шәрифуллина). Әлкидә ТР Дәүләт Советы Рәисе Фәрит Мөхәммәтшин һәм ТР Премьер-министры урынбасары, авыл хуҗалыгы һәм азык-төлек министры Марат Әхмәтов катнашында авыл халкының эшчәнлек активлыгын үстерү мәсьәләләре буенча зона семинар-киңәшмәсе узды. Республиканың төрле министрлык һәм тармак җитәкчеләре, 11 районның муниципалитет, авыл җирлекләре башлыклары, авыл хуҗалыгы һәм азык-төлек идарәләре начальниклары чакырулы булган әлеге чарада безнең район делегациясе дә катнашты.

Киңәшмә азагында иң яхшы авыл җирлекләре, шәхси хуҗалык, иң нәтиҗәле эшчәнлек күрсәткән гаилә фермалары Дипломнар һәм акчалата премия белән бүләкләнде. Алар арасында Иске Котыш авыл җирлеге башлыгы Александр Митякин белән Туймәт авыл җирлегендә уңышлы эшләп килүче Фәнисә һәм Мидхәт Кәримовларның гаилә фермасы да бар, дип яза җирле басма.

Кәримовлар бүген 30 баш мөгезле эре терлек асрыйлар, шуларның 15е-савым сыеры, сарыклары, атлары да бар. 

-Малны гел күп асрадык, - ди Мидхәт Кәримов.- Берничә ел элек авыл янәшәсендә генә участок алып мини-ферма төзедек. Дәүләт 200 мең сум субсидия бирде. Ике савым аппаратын да районнан бушлай алдык. Бүген көн саен уртача 100 килограмм сөт сатабыз. Кышка җитәрлек күләмдә азык әзерләдек. Үзебезнең 56 гектар җиребез бар. Мал асрап көн күрәбез. Иртән дүртенче яртыда торабыз инде. Сөтне вакытында алып китәләр, акчасын вакытында түлиләр.

Кәримовлар пайчыларны да буш итмиләр, аларга печән биргәннәр, бөртектән дә өлеш чагармакчылар. Үзләренә яңа склад-гараж төзи башлаганнар.

Туймәттәге байтак шәхси хуҗалыклар сыерларын да монда алып киләләр, нәсел үгезе яхшы тәрбиядә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр