ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
ТР Президенты РФ Катнаш сугыш төрләре берлеге җитәкчесе Федор Емельяненко белән очрашты
Татар мөхәррирләре чаң суга: татар язучылары милли матбугатны укымый
2018 елгы чемпионатка Бондаренко һәм Сибгат Хәким урамнары арасында җәялеләр юлы төзеләчәк
Быелның 11 аенда Татарстан юлларында теркәлгән аварияләрдә 393 кеше һәлак булган
18-24 декабрь көннәренә Татарстанның мәдәни афишасы

Җәмгыять

Быел яңа ел рейслары сизелерлек арзанайган

24 ноябрь 2017, 19:56 , Фото: Султан Исхаков

Быел яңа ел рейслары сизелерлек арзанайган Яңа елда популяр шәһәрләр унлыгына Мәскәү, Санкт-Петербург һәм Сочи кергән.

(Казан, 24 ноябрь, «Татар-информ»). Яңа ел рейслары быел узган елга караганда, 4 процентка арзанайган. Россиялеләр арасында популяр шәһәрләр арасында Мәскәү, Мюнхен һәм Милан бәя төшерү буенча рекорд куйган. Хәзер өч шәһәргә дә очу 8 процентка азрак булачак. Бу хакта Momondo халыкара туристлык метаэзләү уртаклашты, дип хәбәр итә “Российская Газета”.

Еракка очарга теләмәгәнннәр Албанияне сайлый ала. Бу юнәлештә рейслар бәясе 30 процентка төшкән һәм 19 мең сум тәшкил итә. Шулай ук Черногориягә авиабилетлар 19 процентка һәм Һиндстанга 18 процентка төшкән. Истанбулга һәм Дубайга авиабилет бәяләре киресенчә арткан.

Momondo ның Россиядәге вәкиле Ирина Рябовол сүзләренчә, сәяхәткә 4 гыйнвардан соң чыгу арзанга төшәчәк. Бу чорда авиабилет бәяләре 29 һәм 30 декабрьгә караганда 22 процентка арзанрак булачак. Ә Яңа елны бәйрәм өстәле артында каршылау мөһим дип санаучылар 31 декабрьгә билет алып 13 процент акчаларын экономияли ала.

Әлегә Яңа елга россиялеләр чит илләрне сайлый. Мөстәкыйль сәяхәтчеләр арасында чит илгә сәфәр кылу белән кызыксынучылар 7 процентка арткан, шул ук вакытта эчке рейслар 15 процент туристны югалткан. Әмма бу Россиягә яңа ел рейтингында лидерлык позициясен биләргә комачауламаган. Узган елдагыча, популяр шәһәрләр унлыгына Мәскәү, Санкт-Петербург һәм Сочи , ә Европа шәһәрләреннән Прага, Рим, Мюнхен һәм Милан кергән, шулай ук Истанбул белән Тбилисига да ихтыяҗ шактый арткан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр