ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
"Татар җыры" эстрада фестивале җиңүчеләре билгеле - исемлек
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды

Дин

Мөселман дин әһелләре татар телендә эш алып баруга омтылырга тиеш – Дамир Мөхетдинов

23 ноябрь 2017, 16:42

Мөселман дин әһелләре татар телендә эш алып баруга омтылырга тиеш – Дамир Мөхетдинов Россия мөфтиенең беренче урынбасары фикеренчә, республика Диния нәзарәте, православие руханилары дөрес юнәлештә.

(Казан, 23 ноябрь, “Татар-информ”, Гөлнар Гарифуллина). Татар телен саклап калуга бәйле вазгыятьтә Татарстандагы мөселман дин әһелләре татар телендә эш алып баруга омтылырга тиеш. Бу хакта “Татар-информ” агентлыгы хәбәрчесенә Россия Федерациясе мөселманнары Диния нәзарәте рәисенең беренче урынбасары Дамир Мөхетдинов белдерде.

“Бу мәсьәләдә республика Диния нәзарәте, православие руханилары да үзенең төгәл ачык позициясен әйтте. Алар милли республикада яши торып, башка халыкларның туган телләрен өйрәнү кирәклеген әйтә, - дип Дамир хәзрәт Мөхетдинов республика мөфтие, митрополитның да дөрес позициядә булуын белдерде. - Сөйләргә генә түгел, эшләргә дә кирәк, күбрәк әдәбият бастыру, татарча вәгазьләр уку кирәк. Дөрес, бу мәсьәләдә күпертү кирәкми. Берничә мәчеттә татар телен белмәүчеләр өчен рус телендә дә вәгазьләр булырга тиеш. Ничек кенә кызганыч булмасын, барлык имамнар да татарча иркен сөйли алмый. Ә гомумән алганда, алар дөрес юнәлештә”, - диде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр