ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
"Татар җыры" эстрада фестивале җиңүчеләре билгеле - исемлек
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды

Җәмгыять, Фән һәм мәгариф

Румыниянең Овидий университетында татар тарихы кафедрасы ачылган

21 ноябрь 2017, 12:39

Румыниянең Овидий университетында татар тарихы кафедрасы ачылган Университетның тарих һәм политология факультетында 2014 елдан бирле “Татарлар тарихы” дип аталган дәресләр укытылып килә.

(Истанбул, 21 ноябрь, “Татар-информ”, Рушания Алтай). Татарстанда татар телен укыту буенча вазгыять катлауланган чорда Европа уртасында татар халкының тарихын өйрәнүгә тагын бер адым ясалды. Румыниянең Констанца шәһәрендәге Овидий университетының Тарих һәм политология факультетында “Төрек һәм татар тарихы” кафедрасы эшли башлаган. Ул Төркия министрлар кабинеты каршындагы хезмәттәшлек һәм координация агентлыгы (TİKA) ярдәме белән оештырылган. Узган атнаның соңгы эш көнендә ачылу тантанасы үткән. Анда TİKA җитәкчеләре, Төркиянең Констанцадагы генераль консулы, Овидий югары уку йортының ректоры, тарих һәм политология факультеты деканы һәм галимнәре, Румыниядә яшәүче татар һәм төрек иҗтимагый оешма вәкилләре, күпсанлы студентлар катнашкан. Бу хакта Кырым QHA мәгълүмат агентлыгы хәбәр итә.

Төркия хезмәттәшлек һәм координация агентлыгының Румыния белән хезмәттәшлек буенча җаваплы хезмәткәре Хаҗи Әхмәт Даштанның әйтүенчә, әлеге университетның тарих һәм политология факультетында 2014 елдан бирле “Татарлар тарихы” дип аталган дәресләр укытылып килә икән. Яңа кафедраның ачылуы исә татар халкының тарихын гына түгел, бүгенге сәяси һәм этно-социаль тормышын, мәдәниятен җентекләп өйрәнүгә, шулай ук, Румыниянең җирле татарлары тормышын җанландыруга дә хезмәт итәчәк. “Төрек һәм татар кафедрасы”ның эшчәнлеге Европада төрки халыкларның тарихын тирәнтын өйрәнүгә дә этәргеч булыр, дип өмет ителә.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр