ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
"Татар җыры" эстрада фестивале җиңүчеләре билгеле - исемлек
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды

Җәмгыять

Метеорологлар яңа ел төнендә булачак һава торышы турында җиткерә

20 ноябрь 2017, 21:31

Метеорологлар яңа ел төнендә булачак һава торышы турында җиткерә Россиянең Европа территориясендә декабрь аенда һава температурасы нормадан бер градуска югары булачак.

(Казан, 20 ноябрь, "Татар-информ"). 31 декабрьдән 1 гыйнварга каршы яңа ел төнендә кар капламы һәм уртача салкынлык фаразлана. Бу хакта “Российская газета”га Гидрометеорология үзәге лабораториясе җитәкчесе Людмила Паршина җиткергән.

Тулаем алганда, Россиянең Европа территориясендә декабрь аенда һава температурасы нормадан бер градуска югары булачак. Уртача айлык температура башкала төбәгендә - 6,1 градус торачак. Ноябрьдә Россиянең күпчелек төбәкләрендә шулай ук аномаль табигать күренешләре күзәтелми. Илнең үзәк өлешендә атмосфера фронтлары һәм атлантик циклон тәэсирендә уртача явым-төшем – яңгыр һәм юеш кар белән болытлы һава торышы көтелә.

Һава температурасы төнлә –2 градуска кадәр, көндез ноль тирәсендә торачак, дип җиткерә “Дни.Ру”. Синоптиклар шулай ук юлларда бозлавык булу мөмкинлеге турында кисәтә.

Чәршәмбе көнне, 22 ноябрьдә Россиянең үзәк өлешендә салкын атмосфера фронты күзәтелә. Шунлыктан төнлә температура 7 градуска кадәр төшәчәк. Шулай ук бераз кар явуы көтелә. Бу хакта “Известия” хәбәр итә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр