ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
Уфа «Нур» дәүләт татар театрында шигырь бәйрәме узды
Кытай компанияләре Татарстанга чүп-чарны эшкәртергә ярдәм итәргә әзер
Энгель Фәттаховның улы Мамадыш Башкарма комитеты җитәкчесе вазифасыннан азат ителде
15 декабрьнең төп вакыйгалары - фото һәм сылтамалар
Рөстәм Миңнеханов Казанда яңа торак төзелеше буенча күчмә утырыш үткәрде

Җәмгыять, Фән һәм мәгариф

Казан илкүләм тикшеренү-техник университеты студентларны вакансияләр ярминкәсенә көтә

20 ноябрь 2017, 17:35

Казан илкүләм тикшеренү-техник университеты студентларны вакансияләр ярминкәсенә көтә Ярминкәдә Татарстан һәм Россиянең 40 предприятиесе һәм оешмасыннан вакансияләр тәкъдим ителәчәк.

(Казан, 20 ноябрь, “Татар-информ”, Гөлнар Гарифуллина). 23 нче ноябрь көнне Казан илкүләм тикшеренү-техник университеты – КАИда башкала югары уку йортларын тәмамлаган студентлар өчен “ОСЕНЬ-2017” традицион вузара вакансияләр ярминкәсе узачак. Әлеге чара КАИның Зур Кызыл урамы, 55 нче йорт адресы буенча урнашкан бинасы фойесында үткәрелә, дип хәбәр итә вузның матбугат хезмәте.

Ярминкәдә Татарстан һәм Россиянең 40 предприятиесе һәм оешмасыннан вакансияләр тәкъдим ителәчәк. Берничә алдынгы оешма һәм фирманың реклама материаллары белән презентациясе оештырыла. Ярминкәдә Казан шәһәре халкы мәшгульлеге үзәге катнашыр дип көтелә.

Әлеге ярминкәнең максаты – КАИны тәмамлаган һәр чыгарылыш студентына эшкә урнашу, студентларга хезмәт базарындагы вазгыятькә бәя бирү, предприятие һәм оешма эшчәнлекләре юнәлешләре белән танышу, производство практикасы яки стажировка узу урынын сайлау мөмкинлеге бирү.

Ярминкә барышында һөнәри үзбилгеләнеш һәм карьера үсеше мәсьәләләре буенча белгечләрдән консультация ишетеп булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр