ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Казанда "Татарстанның спорт өметләре" премиясен тапшыру тантанасы узды
Татарстан табигате энциклопедиясе өчен галимнәр 5 үзенчәлекле карта төзегән
Казан Кыш бабайлары һәм Кар кызлары үз хезмәтләренә бәяне арттырган
Хельсинки Җәмигъ мәчете төзүдән баш тарткан
Татарстан табигате энциклопедиясенә кимендә 5 мең тираж кирәк – галимнәр

Фән һәм мәгариф

Татар теле укытучыларына куркып калмыйча, җиң сызганып эшләргә кирәк – Гөлнур Габдуллина

19 ноябрь 2017, 11:22 , Фото: Салават Камалетдинов

Татар теле укытучыларына куркып калмыйча, җиң сызганып эшләргә кирәк – Гөлнур Габдуллина Күп профильле полилингваль гимназиянең милли эшләр буенча директор урынбасары Гөлнур Габдуллина укытучыларны куркып калмаска, эшне дәвам итәргә өнди.

(Казан, 19 ноябрь, “Татар-информ”, Алмаз Шиһабетдинов). Күп профильле полилингваль 180 гимназиянең милли эшләр буенча директор урынбасары Гөлнур Габдуллина “Татар-информ” хәбәрчесенә бу вазгыять белән укытучыларга куркып калмаска һәм җиң сызганып эшләргә кирәклеген әйтте.

"Акыл фабрикасы",. посвященная вопросам национального образования

“Бүгенге вазгыятьне тынычрак кабул иттеп, гимназиябездә 3нче вариант укыту планын сайлап алдык, шуларны әти-әниләргә тәкъдим иттек. Ул 3 сәгатьнең берсендә әдәбият укытабыз. Шушы 3 сәгатьлек дәресләрне дә эчтәлекле итеп, туган тел методикасын сыйфатлы итеп укытырбыз дип уйлыйм. Моның өчен татар теле һәм әдәбияты укытучыларыннан зур көч, иҗади эшләү сорала. Укытучылар болай да бик тырыш, иҗади, барысы да 1, 2 югары категорияләргә ия. Телебезне яраткан кеше, укытучыларыбызны да яратып, телебезнең матурлыгын, байлыгын дәресләрдә бирә белә. Һичшиксез, татар теле югалып калмаячак. Татар теле бетәчәк дигән уй башка да килми, чөнки киң катлам хәзер үзара татар телендә аралаша башлады, халык саны һәм аралашу буенча татар теле Россиядә икенче урында тора. Гел зарланып кына утырырга кирәкми, ныклап, җиңне сызганып эшкә керешергә, программаларны үзгәртергә кирәк. Мин “Сәлам” дәреслеге буенча укытуны уңышлы дип саный. Бу дәреслек бездә дә кулланыла. Дәресләргә кергәч, балаларның татар телендә җөмләләр төзеп диалогка керә алуын күрәбез”, - дип сөйләде Гөлнур Габдуллина.

"Акыл фабрикасы",. посвященная вопросам национального образования

“Алдагы көннәргә ышаныч бар, хәзер тукталып калырга да, артка чигенергә дә кирәкми. Безнең укытучыларыбыз телне дә, яңа методикаларны да камил белә. Аларга курслар ачып, татар теленең җиңеләйтелгән вариантына өйрәтергә кирәк”, - диде ул.

Исегезгә төшерәбез, кичә, 18 ноябрь көнне узган “Акыл фабрикасы” “Татарча мәгариф: яңа караш” темасына багышланган иде. Биредә яңа укыту методикалары белән таныштылар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр