ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
"Татар җыры" эстрада фестивале җиңүчеләре билгеле - исемлек
Язучы Галимҗан Гыйльманов әдәби тәнкыйди фикерләр социаль челтәрләргә дә күчә дип искәртте
“Татар җыры” эстрада фестивале башланды
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды

Спорт

"Зенит" волейбол командасының Чемпионнар лигасында көндәшләре билгеле булды

18 ноябрь 2017, 18:32 , Фото: Михаил Захаров

Россия данын турнирда 3 команда яклый.

(Казан, 18 ноябрь, “Татар-информ”, Фәрит Салихов). Мәскәүдә волейбол буенча Чемпионнар лигасының төркем этабына жирәбә үткәрелде. Турнирның соңгы өч елдагы җиңүчесе – Казанның “Зенит” командасы D төркемендә чыгыш ясаячак.

Владимир Алекно җитәкләгән командага төркемдә Германия чемпионы “Берлин”, Франциянең көмеш призеры “Тулуза” һәм Польша чемпионатының бронза медаль иясе “Ястшембски” командалары каршы торачак.

Көндәшләрнең икесе Казан командасы өчен яхшы таныш: әйтик, “Зенит” Чемпионнар лигасында “Берлин” командасы белән 6 мәртәбә очрашып, барысында да җиңү яулаган. Ә “Ястшембски” белән юллар ике тапкыр кисешкән: 2007-2008 елгы "12лек раунды"нда – "Зенит", ә 2014 елда бронза медаль өчен көрәштә Польша волейболчылары өстен чыккан.

Франция клубы – “Зенит” өчен яңа көндәш.

Россия данын турнирда 3 команда яклый – Мәскәү “Динамо”сы белән “Новосибирскиның “Локомотив” командалары бер төркемгә эләкте. Алар белән Франциянең “Шамон” һәм Польшаның “Скра” командалары бергә уйный.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр