ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Татар мөхәррирләре чаң суга: татар язучылары милли матбугатны укымый
2018 елгы чемпионатка Бондаренко һәм Сибгат Хәким урамнары арасында җәялеләр юлы төзеләчәк
Быелның 11 аенда Татарстан юлларында теркәлгән аварияләрдә 393 кеше һәлак булган
18-24 декабрь көннәренә Татарстанның мәдәни афишасы
Декабрь башыннан бирле Казанда айлык норманың 193 проценты күләмендә кар яуган

Спорт

Татарстан чаңгычылары халыкара ярышларда уңышлы чыгыш ясады

17 ноябрь 2017, 17:20

Татарстан чаңгычылары халыкара ярышларда уңышлы чыгыш ясады Швециядә уза торган ярышларга бүген старт бирелде.

(Казан, 17 ноябрь, «Татар-информ», Фәрит Салихов). Бүген, 17 ноябрьдә, Швециянең Элливаре төбәгендә Халыкара чаңгы спорты федерациясенең чаңгы ярышлары старт алды.

Анда Россиянең чаңгыда узышу буенча барлык җыелма командалары да катнаша. Составта Татарстан чаңгычылары да бар. Бу хакта «Татар-информ» хәбәрчесенә республиканың Чаңгы узышлары һәм биатлон федерациясе матбугат хезмәтеннән җиткерделәр.

«Аның нәтиҗәләре буенча Дөнья кубогының беренче этабына илнең төп командасы ачыклана», – дип хәбәр иттеләр федерациядән.

Ярышларның беренче көнендә Татарстан җыелма командасы чаңгычысы, халыкара класслы спорт остасы Юлия Чекалева 5 чакрым арага ирекле ысул белән индивидуаль узышта финишка 6 нчы булып килде. Ә республика данын яклаучы тагын бер чаңгычы, Россия чемпионы, спорт остасы Анна Нечаевская – унынчы, Анастасия Доценко егерменче булды.

Ярышлар 19 ноябрьгә кадәр дәвам итә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр