ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
Уфа «Нур» дәүләт татар театрында шигырь бәйрәме узды
Кытай компанияләре Татарстанга чүп-чарны эшкәртергә ярдәм итәргә әзер
Энгель Фәттаховның улы Мамадыш Башкарма комитеты җитәкчесе вазифасыннан азат ителде
15 декабрьнең төп вакыйгалары - фото һәм сылтамалар
Рөстәм Миңнеханов Казанда яңа торак төзелеше буенча күчмә утырыш үткәрде

Рәсми Татарстан

Татарстан Республикасы Президенты Шэньчжэньга килде

17 ноябрь 2017, 16:43

Татарстан Республикасы Президенты Шэньчжэньга килде Рөстәм Миңнеханов Кытай Халык Республикасында эш сәфәрендә.

(Казан, 17 ноябрь, "Татар-информ"). Бүген Татарстан Республикасы Президенты Рөстәм Миңнеханов Кытай Халык Республикасына эш сәфәре кысаларында Шэньчжэнь шәһәренә килде. Бу хакта Президентның матбугат хезмәте җиткерә.

Биредә ул Кытай югары технологияләр күргәзмәсен карый һәм берничә эшлекле очрашу үткәрә. Татарстан Республикасы делегациясе составында ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР Иминлек Советы секретаре Айрат Шәфигуллин, ТР Президенты ярдәмчеләре Радик Гыйматдинов, Альберт Нафигин һәм Роберт Миңнегалиев, ТР икътисад министры Артем Здунов, ТР Инвестицион үсеш агентлыгы җитәкчесе Талия Миңнуллина, Түбән Кама муниципаль районы башлыгы Айдар Метшин, Кукмара муниципаль районы башлыгы Сергей Димитриев, "Ак Барс" җәмгыяте идарәсе рәисе Зөфәр Гәрәев һәм башка рәсми затлар бар.

Иртәгә Татарстан Президенты Tidfore Heavy Equipment Group компаниясе җитәкчелеге белән очраша. Шулай ук Рөстәм Миңнехановның Сычуань провинциясенең Мэйшань шәһәре мэры Ло Цзямин һәм Чжэцзян провинциясенең Юйхуань шәһәре мэрф У Цайпин белән очрашуы көтелә. Очрашулар кысаларында Түбән Кама шәһәре белән Мэйшань һәм Кукмара шәһәре белән Юйхуань шәһәре арасында хезмәттәшлек турында килешүләр имзалау каралган.

Аннан Татарстан делегацияcе Кытай югары технологияләр күргәзмәсе эше белән танышачак, анда Татарстан Президенты Шэньчжэнь Күргәзмә үзәге идарәсе рәисе Су Яньвэй белән очрашачак. Шулай ук Huawei компаниясе офисында Заманча технологияләр үзәге презентациясе узачак, анда Рөстәм Миңнехановка шәһәр инфраструктурасы, электрон хөкүмәт, иҗтимагый транспорт, энергетика һәм банк системасы белән идарә итү системасы тәкъдим ителәчәк.

Татарстан Президенты шулай ук Кытай инжиниринг корпорациясе һәм Кытай әйләнә-тирә мохитне саклау корпорациясе җитәкчелеге белән очрашачак. "Мәскәү дәүләт университеты - Пекин политехник интситуты" университен карау, Югары технологияләр өлкәсендәге Индустриаль технопаркта булу планлаштырыла.

Татарстан Президентының эш сәфәрендә World Food City күпләп сату үзәгендә булу каралган, Рөстәм Миңнеханов Кытайдагы Татар сәүдә йорты павильонын карый һәм күргәзмә җитәкчелеге белән очраша.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр