ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Татар мөхәррирләре чаң суга: татар язучылары милли матбугатны укымый
2018 елгы чемпионатка Бондаренко һәм Сибгат Хәким урамнары арасында җәялеләр юлы төзеләчәк
Быелның 11 аенда Татарстан юлларында теркәлгән аварияләрдә 393 кеше һәлак булган
18-24 декабрь көннәренә Татарстанның мәдәни афишасы
Декабрь башыннан бирле Казанда айлык норманың 193 проценты күләмендә кар яуган

Авыл

Ерак авылларда мобиль ветеринария пункт-машиналары ярдәм күрсәтәчәк – Алмаз Хисаметдинов

16 ноябрь 2017, 16:16

Ерак авылларда мобиль ветеринария пункт-машиналары ярдәм күрсәтәчәк – Алмаз Хисаметдинов
Татарстан Министрлар Кабинетының Баш ветеринария идарәсе җитәкчесе Алмаз Хисаметдинов махсус программа нигезендә, 48 машина кайтачагын әйтте.

(Әлки, 16 ноябрь,"Татар-информ", Чулпан Шакирова). Татарстан Министрлар Кабинетының Баш ветеринария идарәсе җитәкчесе Алмаз Хисаметдинов республиканың ерак авылларына чыгып, сыйфатлы ветеринария ярдәме күрсәтү өчен, 48 "УАЗ" машинасы алыначагы хакында хәбәр итте. Моны ул "Татар-информ" хәбәрчесенә Әлкидә узган семинар-киңәшмә кысаларында әйтте.

"Ветеринария объектлары халык өчен бик кирәк. Без мал табибларына начар эшләргә ирек бирмибез, аларны ай саен тикшереп, эшчәнлекләренә анализ ясап торабыз. Билгеле, бүген әле кайбер яктан аксый торган пунктлар да бар. Әмма бүгенге семинар аларга стимул булыр дип уйлыйм", – диде ул.

Билгеле булганча, Татарстанда 232 ветеринария пункты бар. Шуның 126сы махсус программа нигезендә, соңгы өч ел эчендә төзелгән. Аларда 549 мал табибы эшли. Ветеринарлар эшен җәелдерү, ерак авылларга да вакытында мал табибы ярдәмен китерү өчен мобиль ветеринария пунктлары кайтарылачак.

"Татарстан Президентының махсус программасы нигезендә, 100 миллион сумга "УАЗ" базасында 48 мобиль пункт кайтартылачак. Алар авылларга чыгып, күмәк хуҗалык, крестьян-фермер хуҗалыкларына тиз һәм сыйфатлы ярдәм күрсәтү өчен кирәк. Бу мобиль пунктлар мал табибларының эшен системага салыр, малларга тиешле ярдәм күрсәтүдә зур плюс булыр", – диде Татарстан Министрлар Кабинетының Баш ветеринария идарәсе җитәкчесе Алмаз Хисаметдинов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр