ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Резеда Хәева: Спиртлы эчемлекләр куллану кешедә 60 төрле авыру китереп чыгарырга мөмкин
Хәлил Шәйхетдинов: Татарстан җыелма командасының бурычы - мактау пьедесталына эләгү
Телне куллану иреклелеген өйрәнү иреклелеге белән алмаштырырга җыеналар кебек - депутат
Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була
Татарстанның Яшел Үзән районында тепловозга ут капкан

Спорт

Футбол буенча 2018 елгы дөнья чемпионатында катнашачак барлык командалар да ачыкланды

16 ноябрь 2017, 10:22 , Фото: Ильнар Тухбатов

Футбол буенча 2018 елгы дөнья чемпионатында катнашачак барлык командалар да ачыкланды Россиягә Италиядән кала дөнья чемпионы булып танылган барлык ил җыелмалары да килә.

(Казан, 16 ноябрь, «Татар-информ»). 2018 елгы дөнья чемпионатында катнашу хокукын иң соңгысы булып Перу футбол җыелмасы яулады. Шулай итеп, Россиядә узачак чемпионатта катнашырга тиешле 32 команда да ачыкланып бетте.

Дөнья чемпионаты уеннары 2018 елның 14 июнь – 15 июль көннәрендә Россия шәһәрләре, шул исәптән Татарстан башкаласының «Казан Арена» стадионында да үтә.

Турнирда хуҗалардан тыш Бразилия, Иран, Япония, Мексика, Бельгия, Көньяк Корея, Согуд Гарәбстаны, Германия, Англия, Испания, Нигерия, Коста-Рика, Польша, Мисыр, Исландия, Сербия, Португалия, Франция, Уругвай, Аргентина, Колумбия, Панама, Сенегал, Марокко, Тунис, Швейцария, Хорватия, Швеция, Дания, Австралия һәм Перу җыелма командалары көч сынашачак.

Шулай итеп, Россиядә уза торган чемпионатка Италиядән кала дөнья чемпионы булып танылган барлык ил җыелмалары да килә. Алар – Бразилия, Германия, Аргентина, Уругвай, Франция, Англия һәм Испания.

Турнирның жирәбәсе 1 декабрьдә Мәскәүдә була.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10