ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
21 апрельнең төп вакыйгалары - фото һәм сылтамалар
Радик Юльякшинга Татарстан Мәдәният министрлыгының Мактау кәгазе тапшырылды
Быел Казанда “Үлемсез полк” акциясендә 120 мең кеше катнашыр дип көтелә
Сызраньда беренче тапкыр “Татар яшьләре лидеры" мәктәбе булды
Киров өлкәсендә юл һәлакәтендә биш кеше, шул исәптән бала үлгән

Хәвеф-хәтәр

Хабаровск краенда һәлакәткә очраган самолетта алты кешенең гомере өзелгән

15 ноябрь 2017, 08:50

Хабаровск краенда һәлакәткә очраган самолетта алты кешенең гомере өзелгән Фаҗигадә исән калган кыз бала авыр хәлдә табиблар кулына тапшырылган.

(Казан, 15 ноябрь, «Татар-информ»). Хабаровск краенда Let L-410 самолеты һәлакәткә очраган. Башлангыч мәгълүматлар буенча, очкычта 7 кеше булган, дип хәбәр итә “Новости” Россия мәгълүмат агентлыгы.

Хабаровск – Николаевск-на-Амуре – Нелькан рейсы «Хабаровские авиалинии» авиакомпаниясенә карый. Самолет Нелькан торак пункты янындагы күтәрелеш полосасы янында көчле басым белән төшеп утырган.

Һәлакәт шаһите булучыларның әйтүенчә, очкыч, төшүгә якынлашу вакытында, бер ягына янтая башлаган.

Башлангыч мәгълүматлар буенча, бер бала исән калган. Ул Нелькан районы үзәк хастаханәсенә китерелгән. Баланың хәле авыр, дип бәяләнә.
Башка 6 кеше һәлак булган.

Һәлакәт урынында Гадәттән тыш хәлләр министрлыгы һәм медицина хезмәткәрләре эшли. Самолетка ут капмаган.
Фаҗиганең килеп чыгу сәбәпләре ачыклана. “Хәрәкәт вакытында һәм һава судносын эксплуатацияләүдә саксызлык аркасында ике һәм аннан күбрәк кешенең үлеменә китергән куркынычсызлык техникасын сакламау” матдәсе буенча җинаять эше кузгатылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10