ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Хоккейчыларны теләкләре булмауда шелтәли алмыйм – Зиннәтулла Билалетдинов
Түбән Кама һәм Кукмара районнары Кытай провинцияләре белән хезмәттәшлекне үстерәчәк
Соңгы 20 елда татарларның дини кызыксынулары арткан - халыкара конференция нәтиҗәсе
"Ак Барс" хоккейчылары Мәскәүдә ЦСКА командасына оттырды
Казанда “Таян Аллага” татар әдәби конкурсы игълан ителде

Җәмгыять

Мамадыш шәһәрендә юлларның 30 проценты гына асфальт өслеккә ия

15 ноябрь 2017, 03:00

Мамадыш шәһәрендә юлларның 30 проценты гына асфальт өслеккә ия 3нче чакырылыш Мамадыш шәһәре Советының 21нче утырышы узды.

(Мамадыш, 15 ноября, «Татар-информ»,"Нократ"). 13 ноябрьдә муниципалитет бинасының утырышлар залында 3нче чакырылыш Мамадыш шәһәре Советының 21нче утырышы узды, дип яза җирле басма.

Депутатлар көн тәртибе проектына кертелгән 5 мәсьәлә буенча фикер алыштылар. 2018нче елга һәм 2019-2020нче елларның планлы чорына шәһәр бюджеты проекты белән Венера Галиева таныштырды. Шәһәр башкарма комитетының хисап бүлеге җитәкчесе әйтүенчә, 2018нче елга бюджетның тулаем өлеше 48 млн 624 мең 6 сум булыр дип фаразлана. Ә чыгымнарга килгәндә, аларның зур күпчелеге, ягъни 82% торак-коммуналь хуҗалык бүлегенә тотылачак, 15% гомумдәүләт мәсьәләләренә һәм 3% юл хуҗалыгына.

Утырышта шәһәр эчендә юллар челтәре төзү, аларны ремонтлау, юл хәрәкәте куркынычсызлыгы темасы буенча шәһәр башкарма комитеты җитәкчесе Рәшит Гарипов сөйләде. Аның хисабыннан күренгәнчә, быелның 1нче ноябренә район үзәгендәге юлларның 30,11% асфальт өслеккә ия, 2,19% асфальт өслеккә ия, ләкин ремонт таләп итә, 25,8% мәйданга вак таш түшәлгән, 8,52%ына вак таш түшәлгән, ләкин шулай ук төзекләндерү кирәк һәм 33,65% юлларда таш юк дәрәҗәсендә яки алар гомумән дә грунт өслеккә генә ия.

Агымдагы елда бу юнәлештәге эш 4 программа буенча алып барылды һәм бу максатларга барлыгы 83 млн сум акча тотылган (Красная Горка авыл җирлеген исәпкә алмыйча).

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр