ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Татар иҗади яшьләре Тукай шигырен шагыйрь язган иске татар әдәби телендә укыды
26 апрельдә Чернобыль фаҗигасе корбаннары искә алынды
Марат Бариевның әнисе, авыру булса да, "Тукайны онытмыйбыз" флешмобына кушылган
26 апрельнең төп вакыйгалары - фото һәм сылтамалар
Кайбыч районында су баскан йорт-җир хуҗаларына 74 мең сум иминият акчасы түләгәннәр

Җәмгыять

Кызылармияче Хәйрулла Вәлитовның Эстониядә табылган җәсәде туганнарына тапшырыла

14 ноябрь 2017, 17:44

Кызылармияче Хәйрулла Вәлитовның Эстониядә табылган җәсәде туганнарына тапшырыла Туганнары, киңәшеп, кызылармияченең җәсәден Омск өлкәсе Омск районының Дружино авылында җирләргә карар кылган.

(Казан, 14 ноябрь, “Татар-информ”). Эстониядә эзләнү отряды тарафыннан табылган кызылармияче Хәйрулла Вәлитов җәсәде калдыклары туганнарына – улы Хәбибулла Вәлитовка һәм оныгы Альфред Вәлитовка Омск өлкәсендә тапшырылачак. Бу хакта Татарстанның Санкт-Петербург һәм Ленинград өлкәсендәге вәкаләтле вәкиллегендә хәбәр иттеләр.

1 июньдә Эстония территориясенең Вайвара волосте Ида-Вирума уездында Кызыл Армия солдаты Хәйрулла Савилла улы Вәлитовның җәсәде калдыклары табылган. Янәшәдә шәхси әйберләре: “Ленинград оборонасы өчен” медале, исеме язылган кашык һәм мөштеге булган.

Омск өлкәсенең Тара, Большереченск шәһәрләре, Тарск һәм Колосовский районнары хәрби комиссариаты мәгълүматлары буенча, кызылармияче Хәйрулла Вәлитов (әтисенең исеме белән чакырылучылар китабында Савитович дип язылган), 1909 елда туган, Омск өлкәсенең Колосовский районы кешесе, Колосовский хәрби комиссариаты мобилизациясе буенча 1941 елның 25 августында фронтка чакырылган. 1944 елның 6 мартында фронтта һәлак булган.

Татарстанның Санкт-Петербург һәм Ленинград өлкәсендәге вәкаләтле вәкиллеге Эстониядән сугышчының мәете калдыкларын транспортировкалауны оештырган. Ленинград оборонасы һәм блокадасы дәүләт мемориаль музеенда кызылармияче Хәйрулла Вәлитов җәсәде калдыкларын Россия ягына тапшыруның тантаналы чарасы булып узган.

Туганнары, киңәшеп, кызылармияченең җәсәде калдыкларын Омск өлкәсе Омск районының Дружино авылында җирләргә карар кылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10