ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Бари Алибасов Татарстан халкы башлангыч белемне татар телендә алырга тиеш дип саный
Татар кинематографистлары кинога билет алып керә торган тамашачы тәрбияләргә хыяллана
Милли Шура рәисе Мегион татарлары белән очрашты
Татарстан Президенты муниципаль берәмлекләргә 90 млн сумлык компьютер техникасы бүләк итте
Васил Шәйхразиев Нижневартовскида татар теле дәресләре булган класслар белән танышты

Мәдәният

Расих Ханнановның робагыйлары бер җыентык итеп басылды

14 ноябрь 2017, 12:46 , Фото: Ильнар Тухбатов

Расих Ханнановның робагыйлары бер җыентык итеп басылды

Китапка шагыйрьнең мәңгелек кыйммәтләр, кешеләр мөнәсәбәте, яшәеш, хисләр турында язылган робагыйлары керде.

(Казан, 14 ноябрь, “Татар-информ”, Миләүшә Гафурова). Октябрь аенда Татарстан китап нәшриятында шагыйрь, драматург Расих Ханнановның робагыйлары бер җыентык итеп басылды. Расих Ханнанов татар һәм башкорт укучысына “Имансызлар” пьесасы, “Тәмуг казанында” романы аша билгеле. “Күр әле бер генә”, “Ялгыз аккош күлләрдә” җырлары аның шигырьләренә язылган.

Новые книги Татарского книжного издательства

Шагыйрьнең үз сүзләренә караганда, робагыйлар язу күңелне бушатырга, кирәкмәгән уйлардан арынырга ярдәм итә:

“Эш арасында язам робагыйлар,
Башыма килгәндә тик шомлы уйлар.
Менә шулай җиңеләйтәм хәлемне –
Сафландырам җанымны һәм тәнемне”.

“Гомәр Хәйям кебек бөтен дөньяга белгеле шагыйрьләрдән соң робагыйлар язарга тотыну үзе үк кыюлык сорый, – дип яза Расих Ханнановның бу китабы турында филология фәннәре докторы, профессор Әхәт Нигъмәтуллин. – Кыскасы, бу җыентыкта урын алган робагыйларның эчтәлеген сөйләп тору кирәкмәстер. Әдәбият сөючеләр аларга үзләренең бәһасен бирер, үзләрен дулкынландырган күп сорауларга җава табар, дип ышанасы килә”, - ди галим. 

Китапны Татарстан китап нәшриятының кибетләрендә һәм нәшриятның tatkniga.ru сайтында сатып алырга мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10