ҺАВА ТОРЫШЫ -12 oC

Яңалыклар

барлык хәбәрләр Татарстан Россия
МӨҺим
Тамашачы Әлмәт театрының үсмерләр репертуарын үзе сайлый
Татарстан экология министры халыкны фосфатлы юуу чараларын кулланмаска өндәде
Үзбәкстан диаспорасы 52 кеше янган автобусның Казанга килергә тиеш булуын кире какты
2018 елда Казанда иске батарейкалар җыю өчен 60 контейнер урнаштырылачак
Америкада Булат Йосыповның «Бабич» фильмын күрсәттеләр

Җәмгыять

Татарстан парламенты башлыгы Александр Маловка актив карашы өчен рәхмәт белдерде

13 ноябрь 2017, 17:48 , Фото: gossov.tatarstan.ru

Татарстан парламенты башлыгы Александр Маловка актив карашы өчен рәхмәт белдерде Татарстан Республикасы Дәүләт Советы рәисе ветеранның яңа китап булдыру турындагы идеясен хуплады.

(Казань, 13 ноябрь, “Татар-информ”). Татарстан Республикасы Дәүләт Советы рәисе Фәрит Мөхәммәтшин бүген Бөек Ватан сугышында катнашкан Татарстан журналистикасы ветераны Александр Малов белән очрашты. Бу хакта республика парламенты матбугат хезмәте хәбәр итә.

Александр Малов 91 яшендә күптәнге хыялын тормышка ашырды – октябрь ахырында ветеран үзе узган сугыш эзләре буйлап Көнчыгыш Германиядә булып, аннан зур тәэсирләр һәм идеяләр белән әйләнеп кайтты. Хәзер аның уе – шул хакта китап язу.

“Барысы да яхшы булды, Александр Малов икенче тапкыр “Берлинны алды”, Германия башкаласында легендар шәхескә әйләнде”, – диде Татарстан Дәүләт Советы рәисе урынбасары, Татарстан журналистлар берлеге рәисе, әлеге сәяхәтне оештыручыларның берсе Римма Ратникова.

Очрашу барышында Фәрит Мөхәммәтшин Александр Маловка актив карашы өчен рәхмәт белдерде һәм ветеранның яңа китап булдыру турындагы идеясен хуплады. “Без кирәкле барлык ярдәмне күрсәтербез”, – дип ышандырды Татарстан Дәүләт Советы рәисе. Моннан тыш ул ветеранның мәктәп укучылары, студентлар белән очрашуларын, республика чараларында актив катнашуын билгеләп үтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр