ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
17 гыйнварның төп вакыйгалары – фото һәм сылтамалар
Фото: Минзәлә районында кондызлар буа төзегән һәм авылны су баскан
Мәскәүдә Искәндәр Гыйләҗев белән очрашу була
Чаллыда “Ак мәчет”тә татар теле курслары башлана
Фәрит Мөхәммәтшинга үзенең туу һәм никах документларын архивта күрсәттеләр

Җәмгыять

Кинәт ябыгу – кан тамыры-йөрәк авыруларына китерә – медицина фәннәре кандидаты

13 ноябрь 2017, 16:15 , Фото: Султан Исхаков

Кинәт ябыгу – кан тамыры-йөрәк авыруларына китерә – медицина фәннәре кандидаты "Шикәр чиреннән котылыйм дип, санаулы көннәр эчендә ябыгучылар йөрәк авыруына бирешә", - ди галимә.

(Казан, 13 ноябрь, “Татар-информ”, Чулпан Шакирова). Казан дәүләт медицина университетының эндокринология кафедрасы доценты, медицина фәннәре кандидаты Татьяна Никишова артык авырлыкны кинәт югалтырга ярамый, ди. Бу хакта ул бүген “Татар-информ”да узган шикәр чире авырулары мәсьәләләренә багышланган матбугат конференциясендә әйтте.
“Күпчелек пациентлар гәүдә авырлыгын тиз арада киметергә омтыла. Әмма авырлыктан кинәт котылу җитди кыенлыкларга китерә. Бу – беренче чиратта кан тамыры-йөрәк авырулары, – ди ул.
Аның сүзләренчә, тән авырлыгын этаплап төшерергә кирәк.

Пресс-конференция "Проблема сахарного диабета"
“Беренче ике айда атна саен ярты кило авырлык “ташлау” норма санала. Аннан соң ике-өч ай дәвамында һәр атна саен 200 граммнан күбрәк авырлык югалтырга ярамый. Өченче этапта, ел буе табиблар күзәтүе астында торырга, стабильлекне сакларга кирәк, – ди Татьяна Владимировна.
Авырлыкны гәүдә авырлыгының индексы буенча исәплиләр.
“Әгәр 1кв.метрга 30 килограмм авырлык туры килә икән, бу – тән авырлыгының артык массасы дигән сүз. Тән массасы индексы буенча исәпләгәндә, 1 кв. метрга туры килгән авырлык 25 килограммнан артса, хафалана башларга кирәк, – ди галимә.

Исегезгә төшерәбез, бүген “Татар-информ”да шикәр чире авырулары мәсьәләләренә багышланган матбугат конференциясе узды. Ул 14 ноябрь – Бөтендөнья шикәр чиренә каршы көрәш көненә багышланган иде. Ул 1991 елдан бирле Халыкара диабетиклар федерациясе тарафыннан билгеләп үтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр