ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
Эчке эшләр министрлыгының күрсәткечләре соңгы 20 елда иң югары дәрәҗәдә - Артем Хохорин
Чуваш Республикасының Батыр авылында гер спорты буенча республика турниры узды
Оренбург өлкәсендә “Ак хисләр” фестивале узды
Татарстан Президенты Казанда әфганчыларга яңа һәйкәл кую турында карар кабул итте
Ш.Мәрҗани юбилее уңаеннан конференциядә мөселманнарның берләшү ихтыяҗы хакында сүз булды

Дин

Хәнәфи мәзһәбендә фундаменталь дип саналган хезмәт Россиядә беренче тапкыр нәшер ителде

13 ноябрь 2017, 14:47

Хәнәфи мәзһәбендә фундаменталь дип саналган хезмәт Россиядә беренче тапкыр нәшер ителде Китап 14 ноябрьдә «Татар-информ» мәгълүмат агентлыгында тәкъдим ителәчәк.

(Казан, 13 ноябрь, «Татар-информ»). 14 ноябрьдә Казанда Әбу Мансур әл-Матуридиның «Китаб әт-тәүхид» китабы тәкъдим ителәчәк. Җыентык Татарстан мөселманнары Диния нәзарәтенең «Хозур» нәшрият йортында дөнья күргән, дип хәбәр итә нәзарәтнең матбугат хезмәте.

500 битлек әлеге хезмәт Татарстан мөфтие Камил хәзрәт Сәмигуллин башлангычы һәм ТР мөселманнары Диния нәзарәтенең иҗат коллективы тырышлыгы белән нәшер ителде.

Матуридиның «Китаб әт-Тәүхид» хезмәтен гарәп теленнән русчага Казан казые һәм Казан ислам университетының дини фәннәр кафедрасы мөдире Габдулла хәзрәт Әдһәмов тәрҗемә иткән.

Әбу Мансур әл-Матуриди – атаклы мөселман фикер иясе, матуриди сөнни мәктәбенә нигез салучы. Ул дин нигезләренең доктринасы сыйфатында хәнәфи мәзһәбен тотучыларның күпчелеге тарафыннан таныла.

Матбугат конференциясенә аккредитация үтү өчен, Назәрәт сайтындагы матбугат хәбәрендә күрсәтелгән телефон аша хәбәрләшергә мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр