ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Васил Шәйхразиев Нижневартовскида татар балалары укыган мәктәптә булды
Мәскәүнең татар зыялылары клубында "Очраштыра язлар дусларны" кичәсе узды
Фатих Сибагатуллин татар матбугатында кызыксындыру җитми дип саный
Татарстанда һава торышы бозыла
Актриса Нина Дорошина вафат

Фән һәм мәгариф

Татарстан делегациясе Уфада умартачылар конференциясендә катнашачак

12 ноябрь 2017, 17:39

Татарстан делегациясе Уфада умартачылар конференциясендә катнашачак Белгечләрнең - һөнәрдәшләре, шулай ук бал сатучы эшмәкәрләр, тикшеренүчеләр белән фикерләшү мөмкинлеге булачак.

(Казан, 12 ноябрь, "Татар-информ"). Татарстан делегациясе Уфада “Пчелин” фәнни-гамәли конференциясендә катнашачак. Белгечләр Россия фәннәр академиясенең Уфа биохимия һәм генетика институты фәнни үзәгенә җыелачак.

8 - 10 декабрь көннәрендә алар әлеге тармакның актуаль проблемалары турында сөйләшәчәк һәм тәҗрибә уртаклашачак.

“Татарстан умартачылары” оешмасында хәбәр итүләренчә, конференция инде алтынчы тапкыр оештырыла. Белгечләрнең биредә һөнәрдәшләре, шулай ук бал сатучы эшмәкәрләр, тикшеренүчеләр белән фикерләшү мөмкинлеге булачак.

Чарада шулай ук сүз инновацияләрне үзләштерүдә уртак эзләнүләр турында барачак, киләчәкккә планнар билгеләнәчәк.

Сүз уңаеннан, хәзерге вакытта Башкортстан Республикасында “Бал авылы”н булдыру проекты әзерләнә. Ул 2021 елда “Апимондия” Бөтендөнья умартачылык конгрессын уздыру уңаеннан эшләнә. Башкортстан башлыгы Рөстәм Хәмитов бу хакта Авыл хуҗалыгы һәм эшкәртү сәнәгате хезмәткәрләре көненә багышланган тантаналы җыелышта җиткерде, диелә "Башинформ" матбугат хәбәрендә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10