ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Васил Шәйхразиев Нижневартовскида татар балалары укыган мәктәптә булды
Мәскәүнең татар зыялылары клубында "Очраштыра язлар дусларны" кичәсе узды
Фатих Сибагатуллин татар матбугатында кызыксындыру җитми дип саный
Татарстанда һава торышы бозыла
Актриса Нина Дорошина вафат

Фән һәм мәгариф

Апаслылар дөнья чемпионатына әзерләнә башлады

12 ноябрь 2017, 09:00

Апаслылар дөнья чемпионатына әзерләнә башлады 4 курс студенты, Бөтендөнья “Яшь белгеч” сайлап алу турында Татарстан һәм Россия күләмендә югары һөнәри осталык үрнәге күрсәтеп призлы урыннар яулады.

(Апас, 12 ноябрь, "Татар-информ", "Йолдыз", Ришат Җамалиев). Апас аграр көллиятенең 141 нче група, 4 курс студенты Илмир Гыйльметдинов,Бөтендөнья “Яшь белгеч” (“ВОРЛДСКИЛЛС”) сайлап алу турында Татарстан һәм Россия күләмендә югары һөнәри осталык үрнәге күрсәтеп, призлы урыннар яулады һәм Апасны бөтен илгә танытты, дип яза район газетасы.

Хәзер Татарстан чемпионы Апас аграр көллият студентлары командасы составында шул исемдәге киләсе Дөнья чемпионатында катнашуга әзерләнә, Татарстан, Россия ярышларында туплаган тәжрибәсен яшьтәшләре белән бик теләп уртаклаша.

5-7 ноябрьдә Сарман районында узачак сайлап алу ярышларына безнең аграр көллияттән шулай ук 151 нче группа, 3 курс студенты Айнур Ешниязов механизация һәм 56 группа, 3 курс студентлары Лилия Аллаярова белән Алсинә Сафиуллина аш-су осталары сайлап алу турында катнашачак. Номинантлар инде ике ай дәвамында остаз-укытучылары Хәмит Абделвәлиев, Фәнис Зарипов, Гөлназ Сөләйманова һәм Гөлнара Кәбирова кулы астында бу җаваплы ярыш-конкурска ныклап әзерләнәләр.

- Студентларыбызның сынатмаячагына нык ышанабыз,-ди көллият директоры Фаил Курамшин.

Бу төр дөнья чемпионатының чираттагысы 2019 елда Казан шәһәрендә узачак. Анда да апаслылар безне матур күрсәткечләр, призлы урыннар яулап әти-әниләрен сөендерәчәгенә өметләнәбез. Аларның курсташлары, укытучы-остазлары да бу өметләрнең чынга ашачагына ышана. Шулай булсын!


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10