ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
21 гыйнварның төп вакыйгалары - фото һәм сылтамалар
SUPERTATAR музыкаль төркеме халыкара турын Казанда концерт белән башлап җибәрде
“Рубин” Эльмир Нәбиуллинны 6 млн еврога “Спартак” клубына бирергә әзер
Казан командасы "Россия 1" каналында "Туган тел"не җырлады
“Чәйлик – татарча сөйләшик” татарча аралашулар клубы китап базарында очрашты

Фән һәм мәгариф

1200 кеше Казан федераль университеты мәйданчыгында географик диктант яза ала

11 ноябрь 2017, 10:33

1200 кеше Казан федераль университеты мәйданчыгында географик диктант яза ала Диктант язуда теләге булган һәркем катнаша ала.

(Казан, 11 ноябрь, «Татар-информ»). Татарстанда “Географик диктант” халыкара мәгариф акциясе үткәрү өчен, 30 дан артык мәйданчык теркәлгән. Казанда төбәк мәйданчыкларының берсе өченче ел рәттән Казан федераль университеты булачак, дип хәбәр ителә университет матбугат хезмәтендә.

Казан университетының Идарә, икътисад һәм финанслар институтында 20 аудиториядә 1200 чамасы кеше диктант яза ала.

Мәйданчык ачык, алдан язылу таләп ителми. Диктант язуда теләге булган һәркем катнаша ала.

Искәртеп үтәбез. Диктант өч блокка бүленгән 30 тест биременнән тора. Беренче блокка географик аңлатмаларны һәм терминнарны тикшерү буенча биремнәр кергән, икенчесе карта белән эшли белүгә юнәлдерелгән. Өченчесе – сәяхәтчеләр көндәлегеннән һәм әдәби әсәрләрдән өзекләр буенча географик объектларны билгеләү. Диктантта иң югары бәя – 100 балл.

Диктантны dictant.rgo.ru. сайтында онлайн да язарга мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр