ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Тикшеренүчеләр ябыгырга ярдәм итә торган тәмләткечнең исемен атады
Татарстанда азык-төлек сыйфатын арттыру буенча совет эшли башлый
Апанай мәчетендә Мәүлид мәҗлесе уздырыла
Коткаручылар, Казандагы бер фатирда газ чыгуын ачыклап, фаҗигане булдырмый калды
Роспотребнадзор Татарстанда үз хокукларын нәтиҗәле яклаган кулланучыны бүләкли

Дин

Шиһабетдин Мәрҗани мирасын төрле телләрдә нәшер итеп таратырга кирәк - Леонид Сюкияйнен

10 ноябрь 2017, 20:59 , Фото: Рамиль Гали

Шиһабетдин Мәрҗани мирасын төрле телләрдә нәшер итеп таратырга кирәк - Леонид Сюкияйнен 2018 елда мөселман дөньясы татар мәгърифәтчесе Шиһабетдин Мәрҗанинең тууына 200 ел тулуны билгеләп узачак.

(Казан, 10 ноябрь, “Татар-информ”, Гөлназ Әхтәмҗанова). Шиһабетдин Мәрҗанинең мирасын төрле телләрдә күпләп нәшер итеп таратырга кирәк. Бу хакта бүген Казанның Мәрҗани мәчетендә "Мультимәдәни дөньяда ислам" VII халыкара форумы кысаларында Шиһабетдин Мәрҗани истәлегенә "Ислам дөньясында дини һәм хокукый фикер"гә багышланган "түгәрәк өстәл"дә галим Леонид Сюкияйнен әйтте.

Круглый стол памяти Марджани

Фикер алышуның төп юнәлеше ислам нигезләренең бүгенге көндә чагылышы, аның бүгенге тормышта куллану мөмкинлекләрен ачыклау булды.

Россия Фәннәр академиясенең Көнчыгыш институты Гарәп һәм ислам тикшеренүләре үзәге галиме Леонид Сюкияйнен фикеренчә, ислам кануннары бер төрле язылган, ә тормышта әлеге кануннарның кулланылышы мөмкин булмаска да мөмкин. Бу бигрәк тә мөселман булмаган илләрдә шулай.

Галим Сюкияйнен бөек реформатор, мәгърифәтче Шиһабетдин Мәрҗани эшчәнлеге турында да фикерләрен белдерде.

"Шиһабетдин Мәрҗани мирасы гаять дәрәҗәдә бай һәм тирән. Аның китапларын төрле телләрдә күпләп нәшер итеп таратырга кирәк, - ди. - Энциклопедик галим күрсәткән юл буенча традиция рәвешендә барырга кирәк, - дип җиткерде ул.

Философия фәннәре докторы Айдар Юзеев Шиһабетдин Мәрҗани рухи тормышта иске, таушалган авторитетларның монополиясен җимерүче, татарны торгынлык йокысыннан уятучы булуын билгеләп үтте.

Круглый стол памяти Марджани

Ш.Мәрҗани институты фәнни хезмәткәре Динара Мәрданова Мәрҗани чыганаклары буенча фәнни хезмәт әзерли. Аның фикеренчә, әлеге хезмәтләр бүгенге көндә дә актуальлеген югалтмаган. "Татар-информ" хәбәрчесенә фәнни хезмәткәр 2018 елның май аенда Мәрҗани институтында бөек галим эшчәнлегенә багышланган халыкара конференция узачагын әйтте.

Круглый стол памяти Марджани

Мәрҗани мәчетендә дискуссиядән соң форумда катнашучы делегатлар Мәрҗани йорты белән танышты.

Монда аларны Казан дәүләт консерватория студентлары милли киемнән милли көй башкарып каршы алды. Каршы алучылар арасында сәнгать фәннәре кандидаты, атказанган сәнгать эшлеклесе, фольклорчы галим Геннадий Макаров та бар иде.

Круглый стол памяти Марджани

Геннадий Макаров әйтүенчә, Шиһабетдин Мәрҗани татар музыкасы өлкәсендә дә гаять зур эш башкарган. "Ул ХIX йөз татар музыкасын тасвирлап калдырган. Әлеге юнәлеш бөек мәгърифәтче эшчәнлеге нәтиҗәсендә бу көннәргә дә килеп җиткән. Аның бу өлкәдәге эшчәнлеге суфыйчылык сәнгатен өйрәнүе белән дә әһәмиятле", - дип ассызыклады фольклорчы.

2017 елның октябрь аенда Мәрҗани йорты Мөселман эшмәкәрлек аccоциясенә тапшырылган. Хәзерге вакытта монда төзекләндерү эшләре алып барыла.

“Киләсе елга Мәрҗанинең 200 еллык юбилеен билгеләп үтәчәкбез. Бик аз вакыт калды. Хәзерге вакытта әлеге йортта ут та, җылылык та юк. Министрлар Кабинетының резерв фондыннан Мәрҗани йортын төзекләндерергә акча бүлеп бирелде", - дип белдерде Мәрҗани йортын төзекләндерү проектының кураторы Гүзәл Шакирова.

Искәртеп үтик, Мәрҗани йорты 1858 елда танылган галим, дин әһеле Шиһабетдин Мәрҗани тарафыннан төзелгән. 1863 елда янгыннан соң архитектор П.Романов проекты буенча төзекләндерелгән. XIX гасыр уртасының торак архитектура һәйкәле булып тора.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр