ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Тикшеренүчеләр ябыгырга ярдәм итә торган тәмләткечнең исемен атады
Татарстанда азык-төлек сыйфатын арттыру буенча совет эшли башлый
Апанай мәчетендә Мәүлид мәҗлесе уздырыла
Коткаручылар, Казандагы бер фатирда газ чыгуын ачыклап, фаҗигане булдырмый калды
Роспотребнадзор Татарстанда үз хокукларын нәтиҗәле яклаган кулланучыны бүләкли

Татар дөньясы

"Шома бас" татар биюләрен башкаручылар бәйгесендә җиңүче сәхнә киеме тегәргә премия алачак

9 ноябрь 2017, 19:02

Свердловск өлкәсендә татар халык биюләрен башкаручылар арасында беренче тапкыр өлкә бәйгесе үтәчәк.
(Казан, 9 ноябрь, “Татар-информ”). Свердловск өлкәсендә татар биюләрен башкаручылар арасында “Шома бас” дип аталган өлкә бәйгесе узачак. Свердловск өлкәсе Татар конгрессы хәбәренчә, мондый бәйге беренче тапкыр үткәрелә.
 
Бәйгенең сайлап алу этабы һәм Гала-концерты 9 декабрьдә Екатеринбургта, Свердловск дәүләт өлкә халык иҗаты сараенда булачак. 
 
Татар халык бию сәнгатен таныту, сәнгатькәрләрнең осталыгын үстерү максатын куйган бәйге өлкәнең һәм Татарстанның Мәдәният министрлыклары, Татарстанның Свердловск өлкәсендәге даими вәкиллеге, Бөтендөнья татар конгрессы ярдәмендә оештырыла. 
 
Чыгышлар төрле номинацияләрдә – балалар һәм өлкәннәр ансамбльләре, соло һәм дуэтлар аерым бәяләнәчәк. 
 
Иң матур чыгышлар Гала-концертта тәкъдим ителәчәк. Гран-при иясенә бүләккә татар милли сәхнә киемнәрен тегү өчен 100 мең сум күләмендә сертификат тапшырылачак.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр