ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
Биткоин 25 процентка кадәр арзанайган
Татарстан 2017 елның хезмәт хаклары рейтингында тугызынчы урында тора
Коръәннең аудио-версиясе кабат чыгарылды
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты

Спорт

Федор Кудряшов: Месси үзе генә биш-алты уенчыга тора

8 ноябрь 2017, 16:23 , Фото: Ильнар Тухбатов

Федор Кудряшов: Месси үзе генә биш-алты уенчыга тора «Рубин» футболчысы Россия җыелмасы составында Аргентина командасына каршы уенга әзерләнә.

(Казан, 8 ноябрь, «Татар-информ», Фәрит Салихов). Новогорскида җыеннар узучы Россия футбол җыелмасы ике контроль матчка – 11 ноябрьдә Аргентина һәм 14 ноябрьдә Испания командалары белән уенга әзерләнә. Ил җыелмасы составында Казанның «Рубин» футбол командасы сакчысы Федор Кудряшов та бар.

«Аргентина – дөньядагы иң көчле җыелма командаларның берсе. Анда югары осталыкка ия футболчылар чыгыш ясый. Аларга каршы уйнау кызыклы булачак», – дип белдерде ачык күнегүләрдән соң Федор Кудряшов журналистларга. Бу хакта Россия футбол берлеге матбугат хезмәте җиткерә.

Ул шулай ук Аргентина җыелмасында уйнаучы дөньядагы иң көчле футболчыларның берсе Лионель Мессига ничек каршы торырга җыенулары хакында да фикерләрен җиткергән.

«Мессины ничек туктатыргамы? Аңлатырлар. Тренерлар Аргентина уенчыларына ничек каршы торырга, нәрсәгә игътибар итәргә кирәклеген кирәклеген аңлатыр. Мессига каршы уйнасам, яхшы булыр иде. Дөньяның иң көчле футболчысына каршы чыгу кызыклы булачак. «Зенит»ка каршы уенда Аргентинаның өч уенчысын тотып булды, дисезме? Месси бит үзе генә дә биш-алты футболчыга тора», – ди Кудряшов.

Уенчы шулай ук үз клубы – «Рубин»дагы хәлләр турында да фикерен җиткергән.

«Туладагы чираттагы матч команданың кризистан чыгу-чыкмавын күрсәтәчәк. Пауза вакытында җитешсезлекләр өстендә эшләргә мөмкин булачак», – дигән футболчы.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр