ҺАВА ТОРЫШЫ -14 oC

Яңалыклар

барлык хәбәрләр Татарстан Россия
МӨҺим
XXI гасыр рус әкиятчесе Кучкина әкиятләрендә шәрык темалары, төрки сүзләр урын алган
Татарстан чаңгычысы Андрей Ларьков Пхёнчханда Олимпиадада бронза медаль яулады
Татарстан “Җир сәгате” халыкара акциясендә катнаша
#атнабай флешмобына Асаф Вәлиев кушылды
Казан кызлары авыр хәлдә калганнарга ярдәм йөзеннән "Рәхмәт" хәйрия хәрәкәте оештырган

Рәсми Татарстан

Миңнеханов: Татарстанда рәсми аракы сатуның кимүе ялган аракы ясауның артуы турында сөйли

7 ноябрь 2017, 19:43 , Фото: prav.tatarstan.ru

Миңнеханов: Татарстанда рәсми аракы сатуның кимүе ялган аракы ясауның артуы турында сөйли Татарстан Президенты Алкоголь һәм спиртлы продукция әйләнеше өлкәсендә контроль буенча совет утырышын уздырды.

(Казан, 7 ноябрь, "Татар-информ"). Татарстанда18 районда аракыны рәсми рәвештә сатуның күләме кимү ялган аракы сатуның артуы, җирле халыкның суррогат һәм шикле сыйфатлы продукция куллануы турында сөйли. Бу хакта Татарстан Президенты Рөстәм Миңнеханов Татарстан Хөкүмәт Йортында Алкоголь һәм спиртлы продукция әйләнеше өлкәсендә контроль буенча совет утырышында җиткерде.

2017 елның гыйнварыннан сентябренә кадәр алкоголь продукциясен ваклап сату узган елның шушы чоры белән чагыштырганда 4 процентка арткан. Татарстанда җитештерелгән продкуциянең бәясе дә 4 процентка арткан. Шул ук вакытта Татарстанда18 районда республикада җитештерелгән һәм кертелгән аракыны сату күләме кимегән. Бу хакта Татарстан Президентының матбугат хезмәте хәбәр итә.

Заседание Совета по контролю за ситуацией в сфере оборота алкогольной и спиртосодержащей продукции в Республике Татарстан по итогам III квартала 2017 г. Принимает участие Президент Республики Татарстан Р.Н. Минниханов. Фото: Михаил Фролов

Рөстәм Миңнеханов сүзләренчә, докладта китерелгән саннар контрафакт өлеше артуы, җирле халыкның суррогат һәм шикле сыйфатлы продукция куллануы турында сөйли.

Дәлил итеп, республика лидеры алкоголь белән агулану очракларын китерде. 2017 елның гыйнварыннан сентябренә кадәр Татарстанда алкоголь белән 543 агулану очрагы теркәлгән. Узган елның шушы чоры белән чагыштырганда,  агуланып үлүчеләр саны 15,6 процентка арткан. Аларның күпчелеге Әтнә, Балык Бистәсе, Спас, Аксубай районнарында.

Заседание Совета по контролю за ситуацией в сфере оборота алкогольной и спиртосодержащей продукции в Республике Татарстан по итогам III квартала 2017 г. Принимает участие Президент Республики Татарстан Р.Н. Минниханов. Фото: Михаил Фролов

Рөстәм Миңнеханов утырыштагылар игътибарын алкоголь базарының төп күрсәткеченә – бер кешегә сату күләменә юнәлтте. Мәсәлән, Аксубай районында ул республикадагы уртача күләмнән ике тапкырга ким. Тулаем алганда, бу күрсәткеч 28 районда уртачадан ким.

Дәүләт алкоголь инспекциясе җитәкчесе Җәүдәт Әхмәтханов Татарстан Президентына биргән мәгълүматлар буенча, 2017 елның 9 аенда күзәтчелек органнары хезмәткәрләре алкоголь продукциясе әйләнеше өлкәсендә 2618 закон бозу очрагын ачыклаган. Аларның күбесе Казанда, Чаллыда, Түбән Камада һәм Яшел Үзәндә теркәлгән.

Утырыш нәтиҗәләре буенча Рөстәм Миңнеханов республиканың алкоголь базарында вәзгыятьне яхшырту буенча “юл картасы” әзерләүне йөкләгән.

Заседание Совета по контролю за ситуацией в сфере оборота алкогольной и спиртосодержащей продукции в Республике Татарстан по итогам III квартала 2017 г. Принимает участие Президент Республики Татарстан Р.Н. Минниханов. Фото: Михаил Фролов
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр