ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
21 гыйнварның төп вакыйгалары - фото һәм сылтамалар
SUPERTATAR музыкаль төркеме халыкара турын Казанда концерт белән башлап җибәрде
“Рубин” Эльмир Нәбиуллинны 6 млн еврога “Спартак” клубына бирергә әзер
Казан командасы "Россия 1" каналында "Туган тел"не җырлады
“Чәйлик – татарча сөйләшик” татарча аралашулар клубы китап базарында очрашты

Хәвеф-хәтәр

Башкортстанда кеше гомере табибларның кан төркемен бутавы сәбәпле өзелгән булырга мөмкин

28 октябрь 2017, 18:03

Башкортстанда кеше гомере табибларның кан төркемен бутавы сәбәпле өзелгән булырга мөмкин Тикшерү органнары пациент үлеменең төгәл сәбәпләрен ачыклый.

(Казан, 28 октябрь, “Татар-информ”). Башкортстанда кеше гомере табибларның кан төркемен бутавы сәбәпле өзелгән булырга мөмкин. Хокук саклау органнарына бу хактагы гариза 28 сентябрьдә кергән. Сибай шәһәре хастаханәсендә үлгән пациентның туганнары сүзләренчә, кан салган вакытта хастаханәдә кан төркемен бутаганнар. Бу хакта Россия Тикшерү комитетының Башкортстан буенча Тикшерү идарәсе матбугат хезмәте җиткерә.

Әлеге факт буенча Россия Федерациясе Җинаять кодексының 109 нчы маддәсе 2 нче бүлеге буенча (һөнәри бурычларын тиешенчә башкармау сәбәпле, саксызлык аркасында кеше үлеменә китерү) җинаять эше кузгатылган.

Тикшерү фаразлары буенча, 2017 елның 18 февралендә 69 яшьлек хатын-кыз йөрәк-кан тамыры системасында булган тайпылышлар белән Сибай хастаханәсенә китерелә. Кызы сүзләренә караганда, аңа 20 февральдә кан салына, ә 10 мартта авыруның гомере өзелә.

Ләкин табиблар пациентка кан салыну фактын расламый.

Җинаять эшен тикшерү дәвам итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр