ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
Фото: Минзәлә районында кондызлар буа төзегән һәм авылны су баскан
Мәскәүдә Татарстан әдәбияты һәм кинематографы турында сөйләячәкләр
Чаллыда “Ак мәчет”тә татар теле курслары башлана
Фәрит Мөхәммәтшинга үзенең туу һәм никах документларын архивта күрсәттеләр
Алексей Песошин һәм Артем Хохорин яңа “Юдино” полиция бүлеген ачтылар

Җәмгыять

Актаныш авылларына асфальт юл салына

21 октябрь 2017, 22:00

70 кешелек Мерәс авылы юлы да рәсми рәвештә кулланылышка тапшырылды.

(Актаныш, 21 октябрь, "Татар-информ", "Актаныш таңнары").  Районда гомуми озынлыгы 1044 км дан артык юл рәсми исәптә санала. Быел федераль юл төзелешләре безнең җирлектә алып барылмый. Шулай да региональ юллар программасы, муниципаль юл фонды аша ниятләнгән төзелешләр аз түгел. Ел саен бер авыл асфальт юл белән тоташтырыла. Бу – республика һәм район җитәкчелегенең игътибары, тырышлыгы нәтиҗәсе. Шушы максат алга таба да актуальлеген югалтмый, дип яза җирле басма.

Быел Татарстанда 27 авылны асфальт белән тоташтыру бурыч итеп куелган иде. Шушы исемлектә безнең Мерәс авылы да бар – ул федераль максатчан программага кертелгән.

Елга йомгак ясарга санаулы гына вакыт калганда, ниһаять, 70 кешелек Мерәс авылы да юллы булу бәхетен татыды. Кызу темплар белән башланып киткән юл төзү эшенә бүген, 20нче октябрь көнне, нокта куелып, ул рәсми рәвештә кулланылышка тапшырылды.

Рәсми чарада район башлыгы Фаил Камаев, "Татавтодор" ачык акционерлык җәмгыятенең Минзәлә филиалы директоры Марат Сәмигуллин, ГКУ "Главтатавтодор" оешмасының Актаныш кураторы Камил Фәрдиев, "Татавтодор" хезмәткәрләре, авыл халкы катнашты.

Чара кысаларында "Татавтодор" оешмасы җитәкчесе Марат Сәмигуллин оешма хезмәткәрләренә эшләгән эшләре өчен рәхмәт сүзләре ирештереп, аларга Мактау грамоталары, Рәхмәт хатлары тапшырды.

Шәриптән Мерәскә кадәрге 4,4 км юлны киңәйтеп, каты өслек белән түшәү өчен 95 млн сумнан артык акча бүлеп бирелгән иде. Ике авылның да үзәк урамнары каты өслек белән түшәлде.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр